  Հայ-թուրքական արձանագրությունները բարդացրին Հայ դատի հանձնախմբերի աշխատանքը 7 մայիսի 2010 - 17:16 AMT PanARMENIAN.Net - Ողջ աշխարհի Հայ դատի հանձնախմբերի օրակարգում ներառվել են մի շարք առաջնայնություններ, ուղղված հայ պետականության և հայկական գործոնի ամրապնդմանը ողջ աշխարհում; Այդ մասին հայտարարել է Հայ դատի Կենտրոնական խորհրդի նախագահ Հակոբ Տեր-Խաչատրյանը: «Հայ դատի հանձնախմբերն աշխարհում աշխատում են հիմնականում չորս ուղղությամբ: Առաջին ուղղությունը Հայաստանի ու ԼՂՀ-ի զարգացումն է, ՀՀ միջազգային վարկի բարձրացումը: Երկրորդը` հայկական հողերի հարցն է: Երրորդը` Հայոց ցեղասպանության միջազգային ճանաչման խթանումն է: Չորրորդը` հայ ժողովրդի միավորումն է որպես աշխարհում միասնական քաղաքական գործոնի»,-ասել է Տեր-Խաչատրյանը: Ըստ նրա, հարկավոր է քայլեր ձեռնարկել` հակազդելու համար թուրքական և ադրբեջանական հակահայկական լոբբիին աշխարհում: Ըստ Տեր-Խաչատրյանի, չնայած պաշտոնական Երևանի հայտարարություններին, Հայ-թուրքական կարգավորման մասին արձանագրությունները վնասեցին Հայոց ցեղասպանության միջազգային ճանաչման գործընթացին և բարդացրին Հայ դատի հանձնախմբերի աշխատանքը: Նա հատուկ ուշադրություն հրավիրեց Թուրքիայի մերձեցման վրա արաբական աշխարհի երկրների հետ`նշելով, որ այժմ արաբական երկրներում ևս բարդացավ Ցեղասպանության ճանաչման հարցը: Ելնելով դրանից, Հայ դատի Կենտրոնական խորհրդի նախագահն ասել է, որ հարկավոր է աշխատանք տանել թուրք այլախոհ մտավորականների հետ, որոնց կարծիքը Հայոց ցեղասպանության հարցում տարբերվում է պաշտոնական թուրքական տեսակետից, ինչպես նաև միջազգային վերլուծական կենտրոնների և կառույցների հետ:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
