Սամվել Նիկոյան. «Չեխիայի ԱԳ նախարարի արտահայտությունները Ղարաբաղի վերաբերյալ հակասում են ԵԱՀԿ երկրների ԱԳՆ հայտարարություններին25 մայիսի 2010 - 18:31 AMT PanARMENIAN.Net - Չեխիայի հրավերով մայիսի 13-17-ին Հայաստանի խորհրդարանական պատվիրակությունը այցելեց Պրահա: Այցի շրջանակներում հայկական պատվիրակությունը հանդիպել է Չեխիայի Սենատի նախագահի, Սենատի արտաքին հարաբերությունների հանձնաժողովի նախագահի, այլ պաշտոնատար անձանց և հայկական համայնքի հետ: Այս մասին հայտարարել է Հայաստանի ԱԺ փոխխոսնակ Սամվել Նիկոյանը` ՀՅԴ խորհրդարանական խմբակցության պատգամավոր Արմեն Ռուստամյանի հետ համատեղ ասուլիսի ժամանակ, որը տեղի է ունեցել ՀՀ ԱԺ-ում: Նիկոյանը նշել է նաև, որ Չեխիայի պաշտոնատար անձանց հետ հանդիպման ընթացքում քննարկվել է այս օրերին Չեխիայի ԱԳ նախարարի Բաքվում արված հայտարարությունը, որով շեշտել է տարածքային ամբողջականությունը: «Մենք նշել ենք, որ նման արտահայտությունները հակասում են 2009 թ. ԵԱՀԿ երկրների ԱԳ նախարարների հայտարարությանը, որի տակ նաև Չեխիայի ԱԳ նախարարն է ստորագրել: Մեր պատվիրակությունը պայմանավորվել է խորհրդարանական ընտրություններից հետո Չեխիայում ստեղծել հայ-չեխական բարեկամության պատգամավորական խումբ», - ասել է նա` նշելով, որ քննարկվել է նաև Չեխիայում Հայաստանի դեսպանատուն բացելու մասին: Արմեն Ռուստամյանը նշել է, որ հայկական պատվիրակության այցը որոշ առումով կարողացել է փոխել չեխ բարձրաստիճան անձանց մոտ ձևավորված ադրբեջանամետ տրամադրությունները: ՀՅԴ խմբակցության պատգամավորը կարևորել է Չեխիայի հետ խորհրդարանական դիվանագիտության հետագա ակտիվացումը: ![]() ![]() Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս ![]() ![]() ![]() | ![]() ![]() ![]() ![]() ![]() ![]() ![]() ![]() |