Ջավախքի հայկական եկեղեցիների մեծ մասն ավերված է

Ջավախքի հայկական եկեղեցիների մեծ մասն ավերված է

PanARMENIAN.Net - Ախալքալաքի շրջանի բոլոր 72 հայկական գյուղերում եկեղեցիներ կան, բայց դրանց մեծ մասն ավերված է: Այդ մասին Ախալքալաքում PanARMENIAN.Net ի թղթակցի հետ զրույցում հաղորդեց սբ. Խաչ եկեղեցու առաջնորդ, Ախալքալաքի հոգևոր հովիվ, քահանա Տաթև Մարուքյանը: Նրա խոսքով, այժմ դեպի սեփական Եկեղեցին հայ բնակչության «վերադառնալու» միտում կա: «Մենք ուժերի ներածի չափով ջանում ենք Ջավախքի ժողովրդին գրավել դեպի եկեղեցիներ: Թեմին առընթեր կիրակնօրյա դպրոց է գործում, որտեղ երեխաներն ուսումնասիրում են քրիստոնեական կրոնի սկզբունքները: Գյուղերում 3-4 եկեղեցիներ արդեն վերականգնվել են, այնտեղ հոգևորականներ կան: Եկեղեցում երգչախումբ կա: Մեզ մեծ օգնություն է ցուցաբերում Մայր Աթոռ Սուրբ Էջմիածինը. գրականություն է ուղարկում, այստեղ հոգևորականներ են գալիս: Ճիշտ է, հայկական եկեղեցու դրությունը Վրաստանում բավական դժվար է: Հայ Առաքելական եկեղեցին մինչ օրս գրանցված չէ, և թե երբ դա տեղի կունենա, ոչ ոք չգիտի: Ինչպես դուք գիտեք, վրացիները հավակնում են մեր որոշ եկեղեցիներին: Բայց առայժմ մենք պայքարում ենք, և դրանում մեզ օգնում է շրջանի բնակչությունը»,- ընդգծել է Մարուքյանը:

 Ուշագրավ
Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական
Կավելացվեն ծախսերը նաև հատուկ նշանակության նախագծերի ֆինանսավորման համար
---