Էներգետիկայի նախարարը հրաժարվել է ԱԺ-ին ներկայացնել կառավարության հայեցակարգը գազի ոլորտում

9 հունիսի 2010 - 21:18 AMT

PanARMENIAN.Net - Գազի գնաճը միշտ մտահոգություն է առաջացնում բնակչությանշրջանում: Հատկապես այնպիսի երկրներում, ինչպիսին Հայաստանն է, որը ներկրում է գազը: Այդ մասին, պատասխանելով ՀՅԴ հարցապնդմանը, հայտարարել է ՀՀ էներգետիկայի նախարար Արմեն Մովսեսյանը:

Ըստ Մովսեսյանի, ՀՅԴ հարցապնդումը հիմնականում վերաբերում է խնդրի տեխնիկական ու կոմերցիոն մասին, ոչ թե կառավարության ընդհանուր հայեցակարգին գազի ոլորտում:

Իր հերթին ՀՅԴ խմբակցությունից պատգամավոր Արծվիկ Մինասյանը նշել է, որ կառավարության պատասխաններից պարզ դարձավ, որ պետությունը սպառողների իրավունքների պաշտպանության հստակ մեխանիզմներ չունի: «Գազը հետագայում ևս կթանկանա: Այդ մասին է վկայում Գազպրոմի քաղաքականությունը տարբեր երկրներում»,-նշել է Մինասյանը: Նա հավելել է նաև, որ այդ ոլորտում անհրաժեշտ են համակարգային փոփոխություններ, ոչ թե հետևանքների շտկում:

Պատգամավորն առաջարկել է նաև խորհրդարանին որոշում կայացնել, որը կպարտավորեցնի կառավարությանը 20 օրվա ընթացքում ՀՀ ԱԺ ներկայացնել գազի ոլորտում իր քաղաքականության հայեցակարգը: Ա.Մովսեսյանը չհամաձայնվեց` նշելով, որ փոխարենը կարելի է համապատասխան քննարկումներ անցկացնել խորհրդարանի հետ:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով