  ՀՀ փոխվարչապետն ընդունեց Հայաստանում Քաթարի Պետության նորանշանակ դեսպան Իբրահիմ Աբդ ալ Ռահման ալ Մեղաիսիբիին11 հունիսի 2010 - 20:23 AMT PanARMENIAN.Net - ՀՀ փոխվարչապետ, տարածքային կառավարման նախարար, Հայ-քաթարական միջկառավարական հանձնաժողովի համանախագահ Արմեն Գևորգյանը հունիսի 11-ին ընդունեց Հայաստանում Քաթարի Պետության նորանշանակ արտակարգ և լիազոր դեսպան Իբրահիմ Աբդ ալ Ռահման ալ Մեղաիսիբիին (նստավայրը` Թեհրան): Հանդիպման ժամանակ փոխվարչապետը նշեց, որ հայկական կողմը հետաքրքրված է Քաթարի հետ հարաբերությունների խորացմամբ և կարևորեց միջկառավարական հանձնաժողովի դերն այդ հարցում: Արմեն Գևորգյանն անդրադարձավ Քաթարի Պետություն կատարած իր վերջին այցելությանը` այն համարելով արդյունավետ և նշելով, որ Քաթարի էմիր շեյխ Համադ բեն Խալիֆ ալ Թանիի հետ հանդիպմանը քննարկվել են Հայաստանում ծրագրված` տարածաշրջանային նշանակության խոշոր նախագծերին քաթարական կողմի մասնակցության, ինչպես նաև մինչև տարեվերջ միջկառավարական հանձնաժողովի առաջին նիստի անցկացման հետ կապված հարցեր: Դեսպանն իր հերթին նկատեց, որ Քաթարը Հայաստանում ներդրումներ կատարելու մեծ հնարավորություններ ունի, իսկ ներդրումների ներգրավման տեսակետից Հայաստանը հետաքրքիր և գրավիչ համարեց: Նա կարևորեց հայկական կողմից այդ նպատակով գործնական քայլերի իրականացումը, ինչպես նաև նշեց իր երկրում Հայաստանի դիվանագիտական ներկայացուցչություն ունենալու, Հայաստանի հետ ուղիղ օդային կապ հաստատելու անհրաժեշտության մասին: Հանդիպման ընթացքում քննարկվեցին նաև միջկառավարական հանձնաժողովի նիստի անցկացման հետ կապված հարցեր: Դեսպանն առաջարկեց այն անցկացնել Դոհայում, հաղորդում է Տարածքային կառավարման նախարարության հասարակայնության հետ կապերի բաժինը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
