  Նախագահ Սերժ Սարգսյանն այսօր ընդունել է Լեհաստանի Հանրապետության արտաքին գործերի նախարար Ռադոսլավ Սիկորոսկուն  14 հուլիսի 2010 - 19:34 AMTPanARMENIAN.Net - Նախագահ Սերժ Սարգսյանը Լեհաստանի արտգործնախարարին խնդրել է նորընտիր նախագահ Կոմորովսկուն փոխանցել իր շնորհավորանքները` Լեհաստանի նախագահական ընտրություններում հաղթանակի կապակցությամբ և հույս է հայտնել, որ վերջին շրջանում Լեհաստանին բաժին հասած ծանր փորձություններն այլևս հետևում են, և երկրի կյանքը վերադարձել է բնականոն հուն: Հանրապետության ղեկավարի խոսքով, Հայաստանի և Լեհաստանի միջև հարաբերությունները խորացնելու և համագործակցությունն ընդլայնելու մեծ ներուժ կա: Երկուստեք կարևորվել է բարձր մակարդակի փոխայցելությունների դինամիկան պահպանելու անհրաժեշտությունը: Կողմերը հույս են հայտնել, որ երեկ Երևանում կայացած Տնտեսական համագործակցության հարցերով հանձնաժողովն իր աշխատանքով ևս կնպաստի առկա ներուժի լիարժեք օգտագործմանը: Զրուցակիցներն այդ առումով կարևորել են Վարշավա-Երեւան չվերթի գործարկումը: Հանդիպմանն անդրադարձ է եղել նաեւ ԼՂ հակամարտության, Հայաստան-Թուրքիա հարաբերությունների կարգավորման գործընթացներին և տարածաշրջանային խնդիրներին: Նախագահ Սերժ Սարգսյանը շնորհակալություն է հայտնել ԼՂ հակամարտության կարգավորման հարցում Լեհաստանի անկողմնակալ դիրքորոշման համար: Լեհաստանի արտգործնախարարն ընդգծել է, որ իր երկիրը հավատարիմ է միջազգային իրավունքի բոլոր սկզբունքներին ու սատարում է միայն խաղաղ ճանապարհով հակամարտությունների լուծմանը: Այս մասին հաղորդում է ՀՀ նախագահի մամլո գրասենյակը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
