  Հայ պատմաբանները գրանցել են 20 հայկական աղյուսաշեն եկեղեցի Թեհրանից դեպի հարավ ընկած տարածքում  15 հուլիսի 2010 - 14:20 AMTPanARMENIAN.Net - Պատմական հայկական գաղութների ուսումնասիրության շրջանակներում Հայկական ճարտարապետությունն ուսումնասիրող կազմակերպության արշավախումբը հետազոտել է Թեհրանից դեպի հարավ ընկած մինչև Նոր Ջուղա ու Շիրազ 100 գյուղերի հայկական հուշարձանները: Ըստ գործակալության ղեկավար Սամվել Կարապետյանի, այդ տարածքներում պահպանվել է շուրջ 20 աղյուսաշեն հայկական եկեղեցի: «Որպես շինանյութ այստեղ հիմնականում օգտագործվել է աղյուսը, քանի որ քարն այնքան էլ տարածված չէ այդ վայրերում: Ընդ որում, օգտագործվել է չմշակված աղյուս, որը ժամանակի հետ քանդվում է և փոշիանում»,-ասել է Սամվել Կարապետյանը: Ըստ նրա, շուրջ մեկ ամիս տևած գիտարշավի նպատակն էր որոշել հետագա հետազոտությունների ծավալները: «Շատ ափսոսում եմ, որ այստեղ ևս մենք չափազանց պասիվ ենք և անտարբեր մեր ժառանգության հանդեպ, նկատի ունեմ ինչպես իրանահայ համայնքն, այնպես էլ բուն Հայաստանը: Մենք կորցրեցինք գյուղերի հին հայկական գերեզմանոցները, այդ տարածքն ազատվեց ցանքատարածությունների համար 1946թ. հայերի հայրենադարձությունից հետո»,-ասել է Կարապետյանը: Միևնույն ժամանակ նա նշել է, որ Իրանի մշակութային հուշարձանների պահպանման վարչությունը բավական մեծ ուշադրություն է դարձնում հայկական ճարտարապետության հուշարձաններին: Այդպես, 19-րդ դարի երկրորդ կեսի մի քանի պահպանվող հայկական գերեզմանոցների հարևանությամբ տեղադրվել են տեղեկատվական վահանակներ անգլերեն և պարսկերեն լեզուներով, այն մասին, որ դա հայկական քրիստոնեական գերեզմանոց է: Նա նաև նշել է, որ վերջին տարիներին բազում հայկական եկեղեցիներ են վերանորոգվել պետական ֆինանսավորման հաշվին:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
