  Գերասիմ Ալավերդյան. Աճը գյուղատնտեսության ոլորտում 2010 թվականի ավարտին կկազմի 3-5 տոկոս 29 հուլիսի 2010 - 14:08 AMT PanARMENIAN.Net - Չնայած այն հանգամանքին, որ Հայաստանի գյուղատնտեսության ոլորտում առաջին կիսամյակում գրանցվել է 13,1 տոկոս անկում, այնուամենայնիվ, մինչև տարեվերջ իրավիճակը կարող է փոխվել: «Մենք ակնկալում ենք, որ մինչ տարեվերջ իրավիճակը կփոխվի ու աճը տարվա կտրվածքով կկազմի 3-5 տոկոս»,-հուլիսի 29-ին լրագրողներին է ասել Հայաստանի գյուղատնտեսության նախարար Գերասիմ Ալավերդյանը: Ըստ նրա, անկումը գյուղատնտեսության ոլորտում առաջին կիսամյակում հիմնականում պայմանավորված է բնակլիմայական պայմաններով, ինչը հանգեցրեց մրգի ու բանջարաբոստանային կուլտուրաների բերքի կրճատմանը: «Եթե 2009 թվականին մենք ունեցել ենք պտղատու կուլտուրաների 161 հազար տոննա բերք, ապա այս տարի այն կրճատվել է մինչև 80 հազար տոննա, իսկ ծիրանի բերքը 2009-ին 85 հազար տոննա էր: Այս տարի այդ ցուցանիշը չի գերազանցում 25 հազար տոննան, ընդ որում արտահանումն այս տարի չի գերազանցել 2 հազար տոննան նախորդ տարվա 13 հազար տոննայի դիմաց: Տուժել է բերքի շուրջ 25-30 տոկոսը»,-ասել է նա: Ավելին, ըստ նախարարի, ցրտրահարությունների, հորդառատ անձրևների և վատ փոշոտման պատճառով բերքահավաքը Հայաստանում ուշացավ 25-30 օրով: Գերասիմ Ալավերդյանը հավելել է, որ ակնկալվում է խաղողի լավ բերք` շուրջ 215 հազար տոննա նախորդ 85 հազար տոննայի դիմաց, ինչպես նաև ակնկալվում է մսամթերքի իրացման ծավալների աճ, իսկ թռչնաբուծության ոլորտում և հավկիթների արտադրության մեջ առաջին կիսամյակում գրանցվել է 50 տոկոս աճ:   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
