  Ստեփան Սաֆարյան. ՆԱՏՕ ԽՎ-ն պետք է հրաժարվի ղարաբաղյան հիմնախնդրի քննարկումից 30 հուլիսի 2010 - 20:46 AMT PanARMENIAN.Net - Դեռևս հունիսին Ռիգայում ՆԱՏՕ Խորհրդարանական Վեհաժողովի նստաշրջանից հետո Ադրբեջանի պատվիրակությունը հայտարարեց, որ այդ նստաշրջանի շրջանակներում ՆԱՏՕ ԽՎ նախագահ Ջոն Թաների հետ քննարկվել են ղարաբաղյան հիմնախնդրի վերաբերյալ զեկույցի նախապատրաստման հնարավորությունները: Բայց այդ ժամանակ ՆԱՏՕ ԽՎ-ում Հայաստանի խորհրդարանական պատվիրակության ղեկավար Կարեն Ավագյանը հերքեց այդ տեղեկատվությունը: Այդ մասին PanARMENIAN.Net ի թղթակցին է հայտնել «Ժառանգություն» խմբակցության ղեկավար, ՆԱՏՕ ԽՎ-ում Հայաստանի խորհրդարանական պատվիրակության անդամ Ստեփան Սաֆարյանը: Սաֆարյանի խոսքով, կամ հայկական կողմն ի սկզբանե չգիտեր այդ մասին, կամ էլ պարզապես որոշեց հիմա արձագանքել: «Ամեն դեպքում ղարաբաղյան հակամարտության քննարկումն անթույլատրելի է ցանկացած այլ կառույցում, բացի ԵԱՀԿ ՄԽ-ից: Տվյալ դեպքում ՆԱՏՕ-ն պետք է հասկանա, որ դա ադրբեջանական նախաձեռնություն է, որը նպատակ է հետապնդում ոչ թե լուծել խնդիրը, այլ պարզապես բարձրացնել այն զանազան միջազգային կառույցներում»,- ընդգծել է Սաֆարյանը: Նա ավելացրել է նաև, որ այդ փաստը գիտակցելու դեպքում ՆԱՏՕ ԽՎ-ն պետք է ինքը հրաժարվի այդ ադրբեջանական նախաձեռնությունից: «Եթե ՆԱՏՕ Խորհրդարանական Վեհաժողովը, այնուամենայնիվ, ցանկանում է օժանդակել Ադրբեջանի ապակառուցողական դիրքորոշումը, թող ուղղակիորեն ասի այդ մասին: Եթե ՆԱՏՕ ԽՎ-ն ընդունի ադրբեջանական կողմի առաջարկը, Հայաստանը պետք է լրջորեն մտածի այն անառողջ մթնոլորտի մասին, որը տիրում է այդ կազմակերպության ներսում»,- ընդգծել է ՆԱՏՕ ԽՎ-ում Հայաստանի խորհրդարանական պատվիրակության անդամը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
