  Տաթևի վանքի վերականգնման աշխատանքները կսկսվեն 2011 թվականին  30 հուլիսի 2010 - 21:59 AMTPanARMENIAN.Net - «Տաթևի վերածնունդ» ծրագիրը պետություն-մասնավոր հատված համագործակցության լավ օրինակ է»,-ասել է «Տաթևի վերածնունդ» ծրագրի ղեկավար Վանիկ Վարդանյանը Ազգային մրցունակության հիմնադրամի կողմից լրագրողների համար կազմակերպված շրջայցի ժամանակ, որի ընթացքում լրագրողները ծանոթացան շինարարական աշխատանքների ընթացքին: «Սա համապարփակ ծրագիր է, որն ուղղված է ազգային զբոսաշրջության զարգացմանը, որի արժեքն է 45 մլն դոլար, որից 20 մլն դոլարը հատկացրել են հովանավորները ի դեմս բարերար Ռուբեն և Վերոնիկա Վարդանյանի և նրանց ընկերներ հիմնադրամի, իսկ մնացած գումարի հայթայթման համար մշակվել է համապատասխան բիզնես-ծրագիր»,-ասել է Վարդանյանը: Ըստ նրա, ծրագիրը ներառում է ճոպանուղու կառուցում, որի շինարարությունն ընթանում է արագ տեմպերով և կավարտվի հոկտեմբերի 16-ին: Նա հայտնեց նաև, որ պետությունն ակտիվորեն մասնակցում է «Տաթևի վերածնունդ» ծրագրին և իր միջոցներով կվերանորոգի ճանապարհը մայրուղուց մինչև ճոպանուղու կայարան և մինչև Տաթևի վանքը: «Մայրուղուց մինչև կայարան ճանապարհն ասֆալտապատ կլինի, իսկ կայարանից մինչև վանք` գրունտային: «Պետությունը մասնակցում է նաև ենթակառուցվածքների ձևավորմանն, այս նախագիծը պետություն-մասնավոր հատված համագործակցության լավ օրինակ է»,-ասել է ծրագրի ղեկավարը: Ինչպես հաղորդում է PanARMENIAN.Net ի թղթակիցը Տաթևից, ծրագրի շրջանակներում կվերականգնվի նաև Տաթևի վանքը, այդ աշխատանքները կսկսվեն 2011 թվականին և կավարտվեն 2013-ին: «Դա կլինի միաժամանակ և վանական համալիր, և զբոսաշրջային, ընդ որում մեկը մյուսին չի խանգարի»,-նշել է նա; «Վանքի վերակառուցման նախնական արժեքը 10 մլն դոլար է»,-ասել է Վանիկ Վարդանյանը: Նա հավելեց նաև, որ վանքին կից կա նաև ձիթան, որը ևս կգործարկվի ու զբոսաշրջիկներին կներկայացվի ճոպանուղու բացման օրը:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
