  Հայոց ցեղասպանության ժառանգների նախաձեռնած դատական հայցը լրջորեն վախեցրել է Անկարային  3 օգոստոսի 2010 - 13:46 AMTPanARMENIAN.Net - ԱՄՆ-ում թուրքական կառավարության դեմ հարուցված դատական հայցը կարող է լուրջ նախադեպ դառնալ հայ ժողովրդի կորուստների համար փոխհատուցման հասնելու գործում: Այդ մասին Երևանում կայացած մամլո ասուլիսում հայտարարել է թուրքագետ Արտակ Շաքարյանը: Ըստ նրա, դատավարության ընթացքում Հայոց ցեղասպանության ժառանգների փաստաբանները պետք է շեշտը դնեն նրա վրա, որ Թուրքիան չի կատարել Լոզանի խաղաղ պայմանագրի պահանջները, որով պարտավորվել էր վերադարձնել Օսմանյան կայսրության հպատակներին նրանց կորցրած գույքը: «Չնայած նրան, որ ԱՄՆ-ն չի կարողանում պատասխանատվության կանչել Թուրքիային, այնուամենայնիվ, ամերիկյան դատարանը կարող է վճռել, որ Թուրքիան խախտել է միջազգային իրավունքը»,-ասել է թուրքագետը: Նա հավելել է, որ Թուրքիայում լրջորեն վախեցած են դատավարության մեկնակրով և չէին սպասում, որ հայկական սփյուռքը կարող է կոնկրետ քայլերի դիմել: ԱՄՆ-ում բնակվող Հայոց ցեղասպանության զոհերի ժառանգները դատի են տվել Թուրքիայի կառավարությանը և երկու թուրքական խոշոր բանկերի: Ամերիկահայ փաստաբանները հինգշաբթի հայց են ներկայացրել դաշնային դատարան`պահանջելով Թուրքիայի կառավարությունից, կենտրոնական բանկից և Ziraat Bankasi բանկից փոխհատուցում վճարել Հայոց ցեղասպանության զոհերի ժառանգներին Օսմանյան կայսրությունում կորցրած գույքի դիմաց: Հայցը ներկայացվել է հայցվորներ Կարպիս Դավոյանի (Լոս Անջելես) և Հրայր Թուրաբյանի (Նյու Յորք) անունից: Նրանք պահանջում են փոխհատուցել Ցեղասպանության ժամանակ զոհված հայերին պատկանող հողատարածքների, տների, ձեռնարկությունների, բանկային հաշիվների կորուստը, ինչպես նաև Թուրքիայում ոչնչացված հայ մշակութային և կրոնական հուշարձանների համար:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
