  Բակո Սահակյան. ՀԲԸՄ-ը մեծ ներդրում ունի Արցախի զարգացման գործում  23 օգոստոսի 2010 - 16:28 AMTPanARMENIAN.Net - Արցախի Հանրապետության նախագահ Բակո Սահակյանը օգոստոսի 23-ին Բեյրութ քաղաքում հանդիպել է Հայկական բարեգործական ընդհանուր միության (ՀԲԸՄ) Լիբանանի մասնաճյուղի ղեկավար կազմի հետ: Հանդիպման ընթացքում քննարկվել են Արցախի ներքին և արտաքին քաղաքականությանը, ինչպես նաև Արցախի հետ կազմակերպության համագործակցությանը վերաբերող հարցեր: Նախագահը նշել է, որ ՀԲԸՄ-ը մեծ ներդրում ունի Արցախի զարգացման գործում, միաժամանակ ընդգծելով համագործակցությունը որակապես նոր հարթություն տեղափոխելու անհրաժեշտությունը: Բակո Սահակյանը նշել է կրթական ոլորտին, Արցախի և Սփյուռքի երիտասարդների միջև շփումները էլ ավելի խորացնելու հիմնախնդիրներին հատուկ ուշադրություն դարձնելու կարևորությունը: Նույն օրը երկրի ղեկավարը հանդիպել է «Լիբանանահայ Օգնության Խաչ» (ԼՈԽ) կազմակերպության ղեկավար կազմի հետ: Հանդիպման սկզբում Բակո Սահակյանը շնորհավորել է ներկաներին կազմակերպության 80-ամյա հոբելյանի կապակցությամբ, նշելով, որ իր գործունեության ողջ ընթացքում «Լիբանանահայ Օգնության Խաչը» մեծ դերակատարություն է ունեցել ինչպես լիբանանահայության ազգային ինքնության պահպանման, այնպես էլ Հայրենիքին օգնություն ցուցաբերելու գործում: Նախագահը նշել է, որ մեր երկիրը շահագրգրված է «Լիբանանահայ Օգնության Խաչի» հետ անմիջական համագործակցություն հաստատելու մեջ, ինչը նոր խթան կհանդիսանա լիբանանահայության և Արցախի միջև կապերի խորացման և ընդլայնման համար: Հանդիպումներին մասնակցում էին Արցախի Հանրապետության նախագահի խորհրդական Արմեն Իսագուլովը, կրթության և գիտության նախարար Վլադիկ Խաչատրյանը, նախագահի աշխատակազմի տեղեկատվության գլխավոր վարչության պետ Դավիթ Բաբայանը, Լիբանանում Արցախի Հանրապետության մշտական ներկայացուցիչ Կարո Քեբաբջյանը, ինչպես նաև Լիբանանում Հայաստանի Հանրապետության դեսպան Աշոտ Քոչարյանը, հաղորդում է Արցախի Հանրապետության նախագահի աշխատակազմի տեղեկատվության գլխավոր վարչությունը:   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
