  Հայաստանի ձյուդոյի ու ազատ ոճի ըմբշամարտի հավաքականների ավագ մարզիչները գոհ են ելույթներից Օլիմպիական խաղերում30 օգոստոսի 2010 - 18:14 AMT PanARMENIAN.Net - Օգոստոսի 29-ին Հայաստանի հավաքականը վերադարձավ Սինգապուրից, որտեղ անցան առաջին ամառային պատանեկան Օլիմպիական խաղերը: Հայաստանի հավաքականը նվաճեց 4 մեդալ: Արծաթե մրցանակակիր դարձավ ծանրորդ Գոռ Մարգարյանը, իսկ ազատ ոճի ըմբիշ Արտակ Հովհաննիսյանը, ձյուդոիստ Դավիթ Ղազարյանն ու ծանրորդ Սմբատ Մարգարյանը դարձան բրոնզե մրցանակակիրներ: PanARMENIAN.Net ի թղթակցի հետ զրույցում ՀՀ պատանեկան հավաքականի ավագ մարզիչ Մարտին Սարգսյանն ասաց, որ գոհ է Ղազարյանի ելույթից և որ մրցավարները ամերիկացի ձյուդոիստի հետ մենամարտի ժամանակ անաչառ չէին: «Այնուամենայնիվ, իմ սանը լավ հանդես եկավ, քանի որ սա Օլիմպիական խաղեր են և այստեղ դժվար է պատանի մարզիկների համար: 3-րդ տեղի համար պայքարում Դավիթը հաղթեց «ոսկե հնարքով» և նվաճեց բրոնզե մեդալ»,-ասել է Մարտին Սարգսյանը: Ըստ մարզչի, Օլիմպիական խաղերից հետո Հայաստանի հավաքականը կարճատև հանգստից հետո կվերսկսի մարզումները: Այս տարվա վերջին միջազգային մրցաշարը կանցնի վրացական Գորի քաղաքում հոկտեմբերին: Հայաստանի ազատ ոճի ըմբշամարտի հավաքականի ավագ մարզիչ Էդուարդ Թունյանը ևս գոհ է Հովհաննիսյանի ելույթից և գտնում է, որ նա կարող է ազատ ոճի լավ ըմբիշ դառնալ: «2010-ին մեր հավաքականը Եվրոպայի առաջնությունից և միջազգային մրցաշարերից վերադարձավ 4 բրոնզե մեդալով: Այս տարի մենք ավարտեցինք մեր ելույթները և կարճատև հանգստից հետո կսկսենք նախապատրաստվել 2011 թվականին»:   Ուշագրավ Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա Հավանայում կայացել է Ծանրամարտի միջազգային ֆեդերացիայի նիստը Բարսեղյանը ամբողջ 5 կգ-ով առաջ է անցել երկրորդը ճանաչված Սաուդյան Արաբիայի պատվիրակից   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
