  Այսուհետ Հայաստանի խոշոր ձեռնարկությունները կարող են լուծարվել միայն հակամենաշնորհային մարմնի թույլտվությամբ27 սեպտեմբերի 2010 - 13:15 AMT PanARMENIAN.Net - Տնտեսական մրցակցության պաշտպանության պետական հանձնաժողովը (ՏՄՊՊՀ) շարունակում է օրենսդրական փոփոխությունների քննարկումները շահագրգիռ կողմերի հետ: Գործարարների հետ հանդիպմանը հաջորդել է նաև սպառողների շահերի պաշտպանությամբ զբաղվող ՀԿ-ների և իրավաբանական կազմակերպությունների ներկայացուցիչների հետ քննարկումը: Հանդիպման ընթացքում Հանձնաժողովի նախագահ Արտակ Շաբոյանը ներկայացրեց օրենքում կատարված փոփոխությունների հիմնական ուղղությունները` նշելով, որ դրանք կատարվել են հաշվի առնելով միջազգային և հանձնաժողովի աշխատանքային փորձը: «Նախ և առաջ նախատեսված է պատժամիջոցների խստացում` հատկապես անբարեխիղճ մրցակցության դրսևորումների համար: Բայց միաժամանակ նախատեսվում է նաև տարբերակված մոտեցում, քանի որ պատժամիջոցների վերին շեմը բարձրացնելուն զուգահեռ, ստորին շեմը իջեցվել է: Տուգանքի չափի ընտրության հարցում հաշվի են առնվելու ոչ միայն տնտեսվարող սուբյեկտի ազդեցության չափը շուկայի վրա, այլև խախտման կրկնության և այլ հանգամանքներ»,- ասաց Արտակ Շաբոյանը: Հանձնաժողովի նախագահի խոսքով նախատեսվում է նաև Հանձնաժողովի ստուգումների իրավասության ընդլայնում և վերահսկողական կարողությունների ուժեղացում, այնպիսի մեխանիզմների ընդունում, որոնք հնարավորություն կտան հզորացնել վարույթների, ուսումնասիրությունների շրջանակում ապացուցողական բազան և ուղղված կլինեն լրացուցիչ փաստերի, ապացույցների ձեռք բերմանը: Փոփոխությունները միտված են նաև վերացնել օրենսդրության մեջ առկա անհստակությունները, տարընթերցումները, տարաբնույթ մեկնաբանությունները, քանի որ ինչպես նշեց Արտակ Շաբոյանը, ներկա օրենսդրության բացերից օգտվելով «գերիշխող դիրք գրավող տնտեսվարող սուբյեկտը կարող է խախտում կատարել, վնաս հասցնել տնտեսությանը և սպառողին, լուծարել ընկերությունը և մնալ անպատիժ»: Նոր օրինագիծը նախատեսում է, որ խոշոր ընկերությունների լուծարման գործընթացը պետք է տեղի ունենա Հանձնաժողովի թույլտվությամբ, հաղորդում է ՏՄՊՊՀ մամլո ծառայությունը:
  Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
