  Կաղանդ պապի մասին հեքիաթի մրցույթի հաղթող է դարձել 82-ամյա հայուհին 13 հունվարի 2011 - 17:50 AMT PanARMENIAN.Net - Հունվարի 11-ին «Ձմեռային փառատոն Հայաստան-2010»-ի շրջանակներում Կաղանդ պապի մասին հեքիաթի և լավագույն տոնածառի մրցույթների հաղթողներին այդ առիթով հրավիրված մամլո ասուլիսում հանձնվեցին մրցանակներ ու հավաստագրեր «Կանաչաստան» ՀԿ-ից, Deem Communications-ից ու «Պողոսյան պարտեզներ» ընկերությունից: «Այս տարի Կաղանդ պապի մասին ամենահետաքրքիր մրցույթի հաղթողը սիրողական անվանակարգում ճանաչվեց 82-ամյա Ժանետտա Անանիկյանը, իսկ պրոֆեսիոնալների անվանակարգում՝ Նաիրա Եդիգարյանը: Ամենագեղեցիկ տոնածառի մրցույթում 2 հաղթող եղավ՝ IDS և «Ղողանջ» ՀԿ-ները: Ընդ որում մրցույթ-ցուցահանդեսին ներկայացվել էր 22 տոնածառ 14 ՀԿ-ներից: IDS-ը նաև հատուկ մրցանակ ստացավ «Պողոսյան պարտեզներ» կազմակերպությունից, մամլո ասուլիսում հայտարարեց «Ձմեռային փառատոնի» նախաձեռնող և կազմակերպիչ Րաֆֆի Նիզիբլյանը: Ըստ նրա, հատուկ մրցանակ ստացավ նաև «Տերյան» մշակութային կենտրոնի տնօրեն Լիլիթ Մելիքյանը, որը Կաղանդ պապի կերպարի հեղինակն է: Դեկտեմբերի 25-ից հունվարի 6-ը Երևանում տեղի ունեցավ «Ձմեռային փառատոն Հայաստան-2010»-ը, որի կարգախոսն էր «Միասին գունազարդենք ձմեռը», որի շրջանակներում մի շարք հետաքրքիր միջոցառումներ անցան Սիրահարների զբոսայգում, այդ թվում համերգ տեղի ունեցավ Շուշան Պետրոսյանի, ArtVoices խմբի, Սուրեն Առուստամյանի, Exodus և «Ռեինկարնացիա» և այլ խմբերի մասնակցությամբ: Լույս տեսավ «Կաղանդ պապ. Վերադարձ Ռիգելից» հեքիաթը, որի հեղինակն է Աստղիկ Սիմոնյանը: Փառատոնին մասնակցեց շուրջ 6 500 մարդ:   Ուշագրավ Ֆիլմի ռեժիսորը Զառա Ջյանն է Պլասիդո Դոմինգոն Երևանում ելույթ է ունեցել նաև 2010–ին Փեյնի հեղինակած 8 լիամետրաժ ֆիլմերն առաջադրվել են ընդհանուր թվով 24 Օսկարի Տիգրան Ավինյանն ու Գրեգորի Դուսեն այցելել են պատմական թաղամաս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
