  Երևանի համար կարևոր են լավ հարաբերություններն Իրանի և այլ իսլամական երկրների հետ 27 հունվարի 2011 - 12:55 AMTPanARMENIAN.Net - «Իրանը շատ կարևոր երկիր է Հայաստանի համար: Իրանը երկու երկներից մեկն է, որի միջոցով մենք շփվում ենք արտաքին աշխարհի հետ: Իրանի հետ խնդիրներ ունենալ կնշանակի նեղացնել այն խողովակը, որի միջոցով Հայաստանը շնչում է: Այդ պատճառով մենք միշտ ասում ենք այդ մասին թե մեր եվրոպացի, թե ԱՄՆ-ի, թե Ռուսաստանի գործընկերների հետ հանդիպումներում: Եվ բոլորը գիտեն մեր հարաբերությունների մասին»,- «Էխո Մոսկվի» ռադիոկայանին տված հարցազրույցում հայտարարել է Հայաստանի նախագահ Սերժ Սարգսյանը: Նախագահն ընդգծել է, որ Իրանի հետ Հայաստանը լավ տնտեսական հարաբերություններ է պահպանում: «Պայմանավորվածություն կա Հայաստան-Իրան երկաթուղու շինարարության մասին: Մենք Արաքս գետի վրա համատեղ ՀԷԿ-ի շինարարություն ենք սկսել»,- ասել է ՀՀ նախագահը: Ինչպես նշել է Սարգսյանը, Հայաստան-Իրան հարաբերությունները կարևոր են նաև նրանով, որ ադրբեջանցիները փորձում են Ղարաբաղի հարցը տարբեր անկյուններով մատուցել. մասնավորապես, Իսլամական կոնֆերանսի կազմակերպությունում Ադրբեջանը փորձում է այդ խնդիրը ներկայացնել որպես կրոնական հակամարտություն: «Իրանի, այլ իսլամական երկրների, արաբական պետությունների հետ մեր հավասար հարաբերությունները շատ կարևոր են: Դա մեզ համար, առաջին հերթին, ճշմարտությունը հասցնելու հնարավորություն է, երկրորդ, այն քաղաքականության հաստատում, որը Հայաստանը շարունակում է այն քաղաքականությունը, որը միշտ վարել է, որպեսզի մեր քաղաքացիներն իրենց ապահով և հարմարավետ զգան արաբական երկրներում, Մերձավոր Արևելքի երկրներում: Մենք կրոնական հակամարտություն չենք ունեցել: Նույն Իրանում կառուցվել են եկեղեցիներ, հայերը հնարավորություն են ունեցել պահպանել իրենց ինքնությունը, լեզուն, մշակույթը, ավանդույթները»,- ասել է նախագահը:
  Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
