  Վաշինգտոնում հավաքվում են ամերիկյան դիվանագետներ արտասահմանում ԱՄՆ 260 ներկայացուցչություններից 31 հունվարի 2011 - 19:13 AMT PanARMENIAN.Net - ԱՄՆ Պետքարտուղար Հիլարի Քլինթոնն ավելի քան 180 երկրներից ամերիկյան դիվանագետներին խորհրդակցության է կանչել Պետքարտուղարությունում, հաղորդում է The Associated Press-ը: Խորհրդակցությունը ծրագրված է երկուշաբթի օրը` հունվարի 31-ին: Մասնակիցների մեծ քանակից ելնելով` դիվանագետների հետ պետքարտուղարի հանդիպումները մի քանի օր կտևեն: Քլինթոնի հետ հանդիպման են կանչվել բարձրաստիճան պաշտոնյաներ ամբողջ աշխարհում ԱՄՆ 260 ներկայացուցչություններից` դեսպանատներից, հյուպատոսություններից և Պետքարտուղարության համակարգի այլ կառույցներից: Վաշինգտոնում նշում են, որ նման մասշտաբային դիվանագիտական միջոցառում առաջին անգամ է կազմակերպվում: Դիվանագիտական հանդիպման ժամանակ կքննարկվեն ԱՄՆ 2011թ. արտաքին քաղաքական նպատակները: Պետքարտուղարությունում AP աղբյուրները նշում են, որ խորհրդակցության օրակարգում կլինի քաղաքական անկայունությունը Մերձավոր Արևելքում, այն է` անկարգությունները Եգիպտոսում: Քլինթոնը մտադիր է անձամբ հանդիպել մերձավորարևելյան տարածաշրջանում ԱՄՆ առանցքային դիվանագետների հետ և առաջին իսկ աղբյուրից տեղեկանալ ստեղծված իրադրության մասին: Բացի դրանից, ծրագրվում է քննարկել WikiLeaks-ի տեղեկատվական արտահոսքերը, որոնցից վերջինն ուղղված էր հենց ամերիկյան Պետքարտուղարության ներքին գործերին: Եգիպտոսում ժողովրդական հուզումները շարունակվում են հունվարի 25-ից: Բողոքողները փողոց են դուրս եկել նախագահ Հոսնի Մուբարաքի հրաժարականի պահանջով: Ցույցերն անկարգությունների և ոստիկանության հետ բախումների են վերածվել: Մուբարաքը հրաժարվել է հրաժարական տալ, սակայն հայտարարել է կառավարության լուծարման մասին:   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
