  ԵԱՀԿ-ն Ադրբեջանին կոչ է անում կատարել ԶԼՄ-ների ազատության մասով ստանձնած պարտավորությունները 13 մարտի 2011 - 17:06 AMT PanARMENIAN.Net - Եվրոպայում անվտանգության և համագործակցության կազմակերպությունը (ԵԱՀԿ) քննադատել է Ադրբեջանի իշխանություններին Մարդու իրավունքների եվրոպական դատարանի վճիռը չկատարելու համար: ԶԼՄ հարցերով ԵԱՀԿ ներկայացուցիչ Դունյա Միյատովիչն Ադրբեջանի կառավարությանը կոչ է արել դադարեցնել բանտարկյալ լրագրող Էյնուլլ Ֆատուլլաևին պարբերաբար վախեցնելը, կատարել ԵԱՀԿ առջև ստանձնած պարտավորությունները ԶԼՄ-ների ազատության մասով և բավարարել Մարդու իրավունքների եվրոպական դատարանի որոշումը, որը պահանջում է անհապաղ ազատ արձակել լրագրողին: «Ես խորապես անհանգստացած եմ Ֆատուլլաևի անվտանգության և նրա վատթարացող առողջության հարցով, ինչպես նաև լրջորեն մտահոգված եմ այն տեղեկություններով, որ նրա ընտանիքն անընդմեջ անանուն սպառնալիքներ է ստանում: Ես Ադրբեջանի իշխանություններին կոչ եմ անում կատարել ԵԱՀԿ առջև ստանձնած պարտավորությունները ԶԼՄ-ների ազատության մասով և ձեռնարկել բոլոր անհրաժեշտ միջոցները լրագրողի և նրա ընտանիքի լիարժեք անվտանգությունն ապահովելու համար»,- հայտնել է Միյատովիչը: 2010թ. ապրիլի 22-ին Մարդու իրավունքների եվրոպական դատարանը վճիռ կայացրեց այն մասին, որ Ֆատուլլաևն իրավաչափ չի դատվել և պահանջեց անհապաղ ազատ արձակել նրան: Դատարանն Ադրբեջանին պարտավորեցրեց նաև լրագրողին 25 հազար եվրո հատուցում և 2 822 եվրո ծախս ու պահում վճարել, հաղորդում է ԵԱՀԿ պաշտոնական կայքը:   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
