ԱՄՆ պետդեպարտամենտը քննադատել է Ադրբեջանում մարդու իրավունքների հետ կապված դրությունը 9 ապրիլի 2011 - 17:35 AMT PanARMENIAN.Net - Քաղաքացիների խոսքի ազատության, հավաքների անցկացման և խաղաղ ընտրությունների միջոցով իշխանափոխության իրավունքների սահմանափակումները շարունակում են Ադրբեջանի գլխավոր խնդիրները մնալ: Ինչպես ասվում է Ադրբեջանում մարդու իրավունքների հետ կապված դրության մասին ԱՄՆ պետդեպարտամենտի զեկույցում, անցյալ տարի այդ երկրում վատթարացավ ԶԼՄ-ների հետ կապված դրությունը, իսկ համատարած կոռուպցիան, այդ թվում դատական և իրավապահ համակարգերում շարունակում էր աճել: «Անցյալ տարի շարունակվում էին ընդդիմության կողմնակիցների կամայական ձերբակալությունները: Կառավարությունը մարդկանց բանտարկում է քաղաքական նկատառումներով: Բանտերում մարդկանց ծեծի ենթարկելու դեպքերը տեղ են գտել նաև 2010 թվականին: Բացի դրանից, կառավարությունը որոշ դեպքերում սահմանափակում էր ազատ դավանանքի իրավունքը»,- նշվում է պետդեպարտամենտի զեկույցում: Անդրադառնալով 2010 թվականի նոյեմբերին երկրում տեղի ունեցած խորհրդարանական ընտրություններին` պետդեպարտամենտը նշում է, որ դրանք չէին համապատասխանում ԵԱՀԿ առանցքային չափանիշներին: «Չնայած, որ երկրում մոտ 50 քաղաքական կուսակցություններ են գործում, նախագահ Ալիևի գլխավորած «Ենի Ազերբայջան» կուսակցությունը գերիշխում է Ադրբեջանի քաղաքական դաշտում»,- նշվում է զեկույցում: ![]() ![]() Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ ![]() ![]() ![]() | ![]() ![]() ![]() ![]() ![]() ![]() ![]() ![]() |