  Հայ աստղագետները և լրագրողները քննարկել են գիտական լրագրության զարգացման խնդիրները 17 ապրիլի 2011 - 17:34 AMT PanARMENIAN.Net - Հայկական աստղագիտական միությունը Բյուրականի աստղադիտարանի աջակցությամբ ապրիլի 16-ին կազմակերպել է սեմինար գիտական լրագրության վերաբերյալ, որին մասնակցել են մի քանի տասնյակ հայ լրագրողներ: Բյուրականի աստղադիտարանում տեղի ունեցած սեմինարի ժամանակ աստղագետները և լրագրողները քննարկել են գիտության լուսաբանման խնդիրները, մասնավորապես, աստղագիտության: Լրագրողները ծանոթացել են ժամանակակից աստղագիտության ձեռքբերումների, այդ ոլորտում միջազգային համագործակցության, ինչպես նաև հայկական աստղագիտության պատմության և նրա ներկա դրության հետ: «Մեր գլխավոր նպատակն է բարձրացնել գիտության համբավը»,- սեմինարի բացման ժամանակ ասել է Հայկական աստղագիտական միության ղեկավար Արեգ Միքայելյանը: Նա նշել է, որ դրա համար անհրաժեշտ են ինչպես լրագրողների, այնպես էլ գիտնականների համատեղ ջանքերը, որոնք ժամանակակից աշխարհի պայմաններում պարտավոր են լուսաբանել և տարածել իրենց ձեռքբերումները: Սեմինարից բացի, լրագրողները ծանոթացել են Բյուրականի աստղադիտարանի պատմության և նրա հիմնադիրի՝ 20-րդ դարի մեծագույն գիտնականներից մեկի՝ Վիկտոր Համբարձումյանի հետ, և լրագրողների համար կազմակերպվել է շրջայց աստղադիտարանում: «Վիկտոր Համբարձումյանը և Բյուրականի աստղադիտարանն անքակտելիորեն կապված են»,- ընդգծել է Բյուրականի աստղադիտարանի տնօրեն Հայկ Հարությունյանը:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
