  Արամ Կարապետյան. Իշխանությունների ու ՀԱԿ-ի երկխոսությունը հիշեցնում է խուլ ու համրի խոսակցություն  23 մայիսի 2011 - 13:03 AMTPanARMENIAN.Net - Իշխանությունների ու ՀԱԿ-ի երկխոսությունը հիշեցնում է խուլ ու համրի խոսակցություն: Այդ մասին Երևանում կայացած մամլո ասուլիսում հայտարարել է «Նոր ժամանակներ» կուսակցության առաջնորդ Արամ Կարապետյանը: Նա նշել է, որ ըստ ՀԱԿ-ի հայտարարության, իշխանությունների հետ քաղաքական երկխոսության հիմնական նպատակն է արտահերթ ընտրությունների անցկացումը, այն դեպքում, երբ իշխանությունների ներկայացուցիչները բացառում են նման հնարավորությունը: Այդ կապակցությամբ Կարապետյանը նշել է, որ ինչպես ցույց է տալիս փորձը, իշխանությունները զիջման են գնում երկու դեպքում՝ երբ զիջումները շահավետ են իրենց համար, կամ միջազգային հանրության ճնշման ներքո: Նա հավելել է, որ եթե քաղբանտարկյալների ազատ արձակման ու Ազատության հրապարակում հանրահավաքների անցկացման հարցում նման ճնշում եղել է, ապա արտահերթ ընտրությունների հարցում չի եղել: Արամ Կարապետյանը հայտնել է նաև լրագրողներին, որ իր կուսակցությունը մտադիր է մասնակցել ապագա խորհրդարանական ընտրություններին ինքնուրույն, սակայն չի բացառել միությունն այլ ուժերի հետ: Այդ առնչությամբ նա նշել է, որ քննարկումներ ու բանակցություններ են գնում մի շարք քաղաքական ուժերի հետ, այդ թվում Ռամկավար ազատական ու Հնչակյան կուսակցությունների հետ: Կարապետյանն ընդգծել է, որ իր կուսակցության համար առաջնահերթությունը արտահերթ ընտրություններն են, թեև «Նոր ժամանակները» կմասնակցեն նաև հերթական ընտրություններին: Ինչ վերաբերում է համագործակցությանը ՀԱԿ-ի հետ, ապա, ըստ Կարապետյանի, դա հնարավոր է միայն հեղափոխական իրավիճակի դեպքում, սակայն ոչ ընտրությունների:  Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
