Հայաստանի և Ադրբեջանի նախագահներ Սերժ Սարգսյանը և Իլհամ Ալիևը հրավիրվել են Թեհրան միջազգային ահաբեկչության դեմ պայքարի թեմայով համաժողովին: Այդ մասին հաղորդել է Ադրբեջանում Իրանի դեսպան Մուհամմեդ Բագիր Բահրամին, հաղորդում է ադրբեջանական ԱՊԱ գործակալությունը: Դիվանագետի խոսքերով, ԱՄՆ-ն և Իսրայելը համաժողովին չեն հրավիրվել: «Այդ երկրներն իրենք են աջակցում ահաբեկչությանը»,- ասել է նա: