  Հունիսի 22-ին Երևանում կմեկնարկի «Հայաստանի Կիբերխաղերի 5-րդ բաց առաջնությունը» 13 հունիսի 2011 - 14:09 AMT PanARMENIAN.Net - Հունիսի 22-26-ը Երևանում կանցկացվի «Հայաստանի Կիբերխաղերի 5-րդ բաց առաջնությունը»։ Առաջնությունը միաժամանակ հանդիսանում է միջազգային WCG (WorldCyberGames) համակարգչային և վիդեո խաղերի ամենամեծ փառատոնի հայաստանյան նախընտրական փուլը։ Հայաստանյան առաջնության 3 հաղթողներ կմասնակցեն Աշխարհի կիբերխաղերի առաջնությանը Կորեայում։ Այս մասին PanARMENIAN.Net ի թղթակցին տեղեկացրեց Հայաստանի Կիբերսպորտի ազգային պրոֆեսիոնալ լիգայի նախագահ Էդգար Սահակյանը։ «Մենք հավաքվում ենք իրար հետ մրցելու և ոչ ժամանցի համար։ Սա համակարգչային միջավայր է, որտեղ ի հայտ են գալիս մարդու ունակությունները։ Մեր առաջնության մասնակիցների 30%-ը հետագայում դառնում են ծրագրավորողներ և ՏՏ ոլորտի այլ մասնագետներ»,- ասաց Էդգար Սահակյանը։ Առաջնության մասնակիցները կմրցեն 2 պաշտոնական մարզաձևում՝ FIFA 2011 և StarCraft 2, ինչպես նաև ոչ պաշտոնական՝ Counter-Strike 1.6 և WarCraft 3 Dota խաղերում։ Առաջնությանը զուգահեռ անցկացվելու են նաև լրացուցիչ մրցույթներ՝ լուսանկարչական մրցույթ, նկարչական մրցույթ (Fan Art) և մեքենագրման (Touch typing) մրցույթ: Հայաստանյան առաջնության ընդհանուր մրցանակային ֆոնդը կազմում է 3.600.000 դրամ։ «Բոլոր մրցումների մասնակիցները կստանան տարբեր տիպի մրցանակներ՝ համակարգչային մկնիկներ, մոնտիտորներ, ստեղնաշարեր, նեթբուքեր և այլն։ Ոչ պաշտոնական մարզաձևի հաղթողները կստանան տիտղոսներ, միայն պաշտոնական մարզաձևերի հաղթողները կարող են մեկնել Կորեա աշխարհի առաջնությանը»,- նշեց Էդգար Սահակյանը։ Ինչպես տեղեկացրեց Էդգար Սահակյանը, անցած տարիներին ունեցել են մոտ 150 մասնակից, այս տարի ակնկալում է մինչև 200 մասնակից։ Համաշխարհային առաջնության հովանավորն է «Սամսունգ» ընկերությունը, ազգային առաջնության գլխավոր գործընկերն է «ԱրմենՏել» ընկերությունը, իսկ պաշտոնական գործընկերը՝ «Ֆայն» ընկերությունը։ «ԱրմենՏել» ընկերությունն ապահովելու է նաև բոլոր խաղերի օնլայն հեռարձակումն առաջնության կայքում։ «Հայաստանի Կիբերխաղերի 5-րդ բաց առաջնությանը» կարող են մասնակցել բոլորն՝ առանց տարիքային սահմանափակման։ Մասնակցելու համար անհրաժեշտ է գրանցվել կայքում՝ www.wcg.am-ում։ Հղումներ թեմայով.   Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից   |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
