Forbes-ի համաձայն Հայաստանի տնտեսությունն աշխարհի ամենավատ տնտեսությունների շարքում 2-րդն է

6 հուլիսի 2011 - 14:19 AMT

PanARMENIAN.Net - 2011-ի կեսին աշխարհի ամենավատ տնտեսություն ունի Մադագասկարը: Նման եզրակացության է հանգել Forbes ամսագիրը` վերլուծելով վերջին տարիներին աշխարհի երկրների մեծամասնության մակրոտնտեսական ցուցանիշները:

Ցուցակում երկրորդ տեղը զբաղեցնում է Հայաստանը, երրորդ տեղը` Գվինեան, իսկ աշխարհի տնտեսությունների վատագույն հնգյակը եզրափակում են Ուկրաինան և Ջամայկան:

Հայաստանի մասին Forbes վարկանիշում ասվում է, որ այդ երկիրը ոչ մի կերպ չի կարողանում վերականգնվել ճգնաժամից. 2009-ին Հայաստանի ՀՆԱ անկում է ապրել միանգամից 15 տոկոսով: Միաժամանակ երկրում շարունակում է տիրել բարձր գնաճ (շուրջ 7 տոկոս), իսկ մեկ անձի համար ՀՆԱ կազմում է երեք հազար դոլարից պակաս:

Ինչ վերաբերվում է Ուկրաինային, ապա նրա մասին վարկանիշում ասվում է, որ նրա ՀՆԱ մեկ հոգու համար գտնվում է այնպիսի երկրների շարքում, ինչպիսիք են Սերբիան և Բուլղարիան: Գնաճն Ուկրաինայում կազմում է շուրջ 10 տոկոս: Վարկանիշի առաջատարի` Մադագասկարի մասին ասվում է, որ մեկ անձին բաժին ընկնկող ՀՆԱ կազմում է 387 դոլար, իսկ գնաճը` 8.5 տոկոս:

Forbes-ը վարկանիշերը ձևավորել է երեք տարում ՀՆԱ աճի և գնաճի վիճակագրության, մեկ անձին բաժին ընկող ՀՆԱ և երկրների առևտրային հավասարակշռության հիման վրա: Հատկանշական է, որ նույն վարկանիշի արդյունքները մեկ տարի առաջ խիստ տարբերվում էին նորից. առաջին տեղում Զիմբաբվեն էր, երկրորդ տեղում` Կոնգոյի ժողովրդավարական հանրապետությունը, երրորդ` Գվինեան: Մադագասկարը 10-րդ տեղում էր, իսկ Հայաստանը և Ուկրաինան ցուցակում չկային, գրում է Lenta.ru-ն:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով