  Հայաստանում գրանցված է ղարաբաղյան պատերազմի ժամանակ անհետ կորած 407 մարդ 24 օգոստոսի 2011 - 17:20 AMT PanARMENIAN.Net - Տարվա սկզբից Հայաստանում, Ադրբեջանում և Արցախում Կարմիր խաչի միջազգային կոմիտեի (ԿԽՄԿ) ներկայացուցչությունները սկսել են աշխատել ղարաբաղյան պատերազմի ժամանակ անհետ կորածների տվյալների բազայի ստեղծման շուրջ: Ինչպես PanARMENIAN.Net ի թղթակցին են հաղորդել ԿԽՄԿ հայաստանյան ներկայացուցչության մամլո ծառայությունից, Հայաստանում գրանցված է ղարաբաղյան պատերազմի ժամանակ 407 անհետ կորած: «Տվյալների բազան յուրօրինակ կառուցվածք ունի և իրենից ներկայացնում է ոչ թե պարզապես անհետ կորած համարվող անձանց ցուցակ, այլ նաև լիարժեք տեղեկատվություն է պարունակում կոնկրետ մարդու մասին»,- նշել է մամլո ծառայության աշխատակիցը` ավելացնելով, որ տեղեկատվության մեծ մասը ստացվել է անհետ կորածների ազգականների և մտերիմների հետ հարցազրույցի միջոցով: Ինչպես նշել են ԿԽՄԿ ներկայացուցչությունում, ողջ տեղեկատվությունը փոխանցվել է Պատանդների և ռազմագերիների հարցերով կոմիտեին, որը զբաղվելու է բազայի հետագա համալրմամբ: ԿԽՄԿ ներկայացուցչության պաշտոնական տվյալների համաձայն, Ադրբեջանում ցուցակի մեջ ընդգրկվել է անհետ կորած համարվող 4 575 մարդ: Ադրբեջանական ներկայացուցչության պաշտպանության հարցերով համակարգող Սիլվի Գրենիշերը ադրբեջանական ԶԼՄ-ներին տված հարցազրույցում նշել է, որ Ադրբեջանում ԿԽՄԿ և Պետհանձնաժողովի ցուցակների միջև տարբերություններ կան: «Մի քանի տարի առաջ այդ ցուցակները խիստ տարբերվում էին: Սակայն նախագծի մեկնարկից հետո տարբերությունը գրեթե շտկվել է»:
  Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
