  Կործանելով ադրբեջանական ինքնաթիռը` հայոց բանակը նոր մեկնարկ տվեց անօդաչու սարքերի դեմ պայքարին  15 սեպտեմբերի 2011 - 13:53 AMTPanARMENIAN.Net - «Այն, որ ԼՂՀ Պաշտպանության բանակի ուժերը ոչնչացրել են անօդաչու ինքնաթիռ, յուրահատուկ երևույթ է»,- Երևանում մամլո ասուլիսում հայտարարել է ռազմական հոգեբան Արծրուն Հովհաննիսյանը: Նրա խոսքով, նման քայլով հայկական բանակը նոր մեկնարկ է տվել անօդաչու ինքնաթիռների դեմ պայքարին. «Իրականում շատ բարդ է պայքարել անօդաչու ինքնաթիռների դեմ, և դա մեզ համար շատ կարևոր քայլ է»,- ասել է փորձագետը: Միաժամանակ Արծրուն Հովհաննիսյանը հաղորդել է, որ ադրբեջանական անօդաչու ինքնաթիռը եղել է իսրայելական արտադրության: «Եթե չեմ սխալվում, դա Hermes 450 է, որն արտադրվել է այս տարվա մարտին»,- ասել է նա և հավելել, որ անօդաչու ինքնաթիռներն արժեն 2-18 մլն դոլար: Հայ փորձագետը մեծ ձեռքբերում է համարել այն, որ անօդաչու ինքնաթիռը ոչնչացվել է հայկական արտադրության համապատասխան սարքի կողմից: Դա վկայում է այն մասին, որ Հայաստանը սկսել է օգտագործել իր պոտենցիալը զինամթերքի մշակման ոլորտում: Այդ առումով նա նշել է, որ բացառված չէ, որ ապագայում երկիրը զենք կարող է առաքել տարածաշրջանի այլ երկրներ: Սեպտեմբերի 12-ին ժամը 7.30-ի սահմանում ՊԲ ՀՕՊ և ռադիոէլեկտրոնային պայքարի ստորաբաժանումների կողմից ձեռնարկված հատուկ միջոցառումների արդյունքում Մարտունու շրջանի Վազգենաշեն գյուղի մերձակայքում շարքից հանվել է ադրբեջանական զինուժի մեկ անօդաչու թռչող սարք: Խփված ինքնաթիռի մասերը գտնվում են ՊԲ համապատասխան ծառայությունների տրամադրության տակ: Դեպքի մանրամասները ուսումնասիրելու համար ստեղծվել է հանձնաժողով, տարվում է քննություն:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
