  Բաքվում հայկական պատվիրակությունը, վախենալով սեփական կյանքի համար, հերքում է հարձակումների մասին լուրերը  3 հոկտեմբերի 2011 - 12:55 AMTPanARMENIAN.Net - Նախօրեին տեղեկություններ տարածվեցին, որ Բաքվում ընթացող աշխարհի առաջնությանը մասնակցող հայ բռնցքամարտիկները հարձակման են ենթարկվել: «Ղարաբաղի ազատագրման կազմակերպության» ակտիվիստների մի մեծ խմբի առանձին-առանձին հաջողվել է մուտք գործել մարզահամալիր, չնայած ուժեղացված պահպանությանը, և ցրվելով, տեղեր գրավել ռինգին մոտ, հանդիսատեսների շարքում: Երբ ռինգ է դուրս եկել հայ մարզիկը, նրանք սկսել են բղավել. «Հեռացեք, հայեր», «Ամոթ հրավիրողներին», «Կամ Ղարաբաղ, կամ մահ», քարերի տարափ տեղալով ռինգի ուղղությամբ: Մրցումները դադարեցվել են: Հայ մարզիկը, մրցավարներն ու ռեֆերին լքել են դահլիճը: PanARMENIAN.Net ի թղթակցի հետ զրույցում Բաքվում հայկական պատվիրակության ղեկավար ու ՀՀ բռնցքամարտի ֆեդերացիայի փոխնախագահ Դերենիկ Գաբրիելյանը հերքել է ադրբեջանական azerisport.com լրատվական գործակալության տարածած հաղորդագրությունը, որի համաձայն հայ բռնցքամարտիկները ենթարկվել են հարձակման: Սակայն Հայաստանի բռնցքամարտի ֆեդերացիային մոտ աղբյուրները հայտնել են PanARMENIAN.Net ի թղթակցին, որ իրականում հայ մարզիկները հարձակման են նեթարկվել, սակայն, ելնելով անվտանգության նկատառումներից, այդ մասին գերադասում են առայժմ չխոսել: « AIBA –ն չի կարողանում կասեցնել անկարգությունները, կազմակերպիչները չեն ապահովել խոստացած անվտանգության մակարդակի նույնիսկ 30 տոկոսը: Հայ մարզիկների ելույթների ժամանակ ադրբեջանցիները նրանց ուղղությամբ քարեր, դանակներ ու այլ առարկաներ են նետել»,-ասել է աղբյուրը: Չորս բռնցքամարտիկներ, որոնք արդեն ավարտել են իրենց ելույթներն աշխարհի առաջնությունում, արդեն վերադարձել են Հայաստան: Իսկ հոկտեմբերի 3-ին աշխարհի առաջնության 1/16 եզրափակչում հանդես կգա Եվրոպայի չեմպիոն Հովհաննես Դանիելյանը (49կգ ք/կ): Նույն օրը ռինգ դուրս կգա նաև աշխարհի փոխչեմպիոն և աշխարհի գավաթակիր Անդրանիկ Հակոբյանը (75կգ ք/կ): Առաջնությունն ընտրական է 2012թ. Օլիմպիադայի համար, որտեղ խաղարկվում է 92 անվանական ուղեգիր: 2004թ. նույն այդ «ՂԱԿ»-ը Բաքվում ՆԱՏՕ-ի կոնֆերանսի ժամանակ հարձակվեցին ՀՀ ԶՈւ սպաներ՝ գնդապետ Մուրադ Իսահանյանի ու ավագ լեյտենանտ Արամ Հովհաննիսյանի վրա:   Ուշագրավ Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա Հավանայում կայացել է Ծանրամարտի միջազգային ֆեդերացիայի նիստը Բարսեղյանը ամբողջ 5 կգ-ով առաջ է անցել երկրորդը ճանաչված Սաուդյան Արաբիայի պատվիրակից   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
