  Apple-ը ներկայացրեց iPhone 4-ի նոր տարբերակը iPhone 4S-ը՝ հիասթափեցնելով երկրպագուներին և ներդրողներին  5 հոկտեմբերի 2011 - 10:49 AMTPanARMENIAN.Net - Apple ընկերությունը iPhone-ի 5-րդ սերնդի փոխարեն ներկայացրեց նոր iPhone 4S-ը, որը iPhone 4-ի նոր ժամանակակից թարմացումն է: Արդեն բազմաթիվ ինտերնետ-օգտագործողներ «խնձորային» նորությունն անվանել են «տարվա հիասթափություն»: Հանրահայտ Apple-ի նախկին հիմնադիր և տնօրեն Սթիվ Ջոբսն այդպես էլ չհայտնվեց iPhone 4S -ի շնորհանդեսին: Շնորհանդեսը վարեց Apple-ի նորանշանակ տնօրեն Թիմ Քուքը: Այս մասին գրում է Digit.ru-ն: iPhone 4S-ի պատյանը նույնն է, ինչ iPhone 4-ինը։ iPhone 4S-ը աշխատելու է A5 պրոցեսորով, որը նախագծվել էր iPad 2-ի համար։ Թարմացված iPhone-ի տեսախցիկը 8 մեգապիքսել է, որը թույլ է տալիս նկարել բաձր որոշմամբ (Full HD)։ Apple-ը հպարտ է Siri ֆունկցիայով, որը հեռախոսի ձայնային կառավարման ավելի լավ տարբերակն է։ Այժմ նրանով հնարավոր է հրաhանգել զարթնեցնել առավոտյան ժամը 6-ին կամ հարցնել եղանակի մասին օրինակ Փարիզում։ Այս ֆունկցիան դեռ աշխատում է միայն անգլերեն, ֆրանսերեն և գերմաներեն լեզուներով։ Կարելի է նաև հեռախոսին թելադրել կարճ հաղորդագրություն (sms)։ Ինչպես գրում է Combonews.ru-ն, նոր Apple-ը ներկայացրեց իր iOS օպերացիոն համակարգի նոր թողարկումը՝ iOS 5։ iOS 5-ում օգտագործողների բոլոր այն ծրագրերը, որոնք հանդիսանում էին բաժանորդագրություններ տարբեր թերթերի կամ օնլայն պարբերականների միավորվում են մեկ «Վիրտուալ կրպակ»-ի մեջ։ Թարմացված Safari Reader-ը ցուցադրում է վեբ-նյութերն առանց գովազդների և ավելորդ դետալների։ iCloud-ի միջոցով հնարավոր է թարմացնել լուսանկարները բոլոր iOS սարքավորումներից։ iPhone 4S-ը կթողարկվի 16Գբ, 32Գբ և 64Գբ տարբերակներով՝ համապատասխան 199, 299 և 399 դոլար արժողությամբ (բջջային օպերատորի հետ 2 տարի պայմանագիր կնքելու դեպքում)։ Նախնական պատվերները հնարավոր է կատարել հոկտեմբերի 7-ից։ iPhone 4S-ը հոկտեմբերի 14-ից հասանելի կլինի ԱՄՆ-ում, Կանադայում, Ավստրալիայում, Մեծ Բրիտանիայում. Ֆրանսիայում, Գերմանիայում, Ճապոնիայում։ Հոկտմեբերի 28-ից այն հասանելի կլինի ևս 22 երկրում։ Apple-ի ակցիաների արժեքը շնորհանդեսի ժամանակ ընկել է 3,5%-ով ըստ Bloomberg-ի հաշվարկների։ Ներդրողները սպասում էին, որ Apple-ը կներկայացնի նոր iPhone 5-ը, ոչ թե iPhone 4-ի նոր տարբերակը։   Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից   |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
