 ՀԲ մասնագետը խորհուրդ է տալիս Հայաստանին շեշտը դնել պետբյուջեի եկամտային մասի վրա  18 հոկտեմբերի 2011 - 13:47 AMTPanARMENIAN.Net - Հայաստանի ֆիսկալային կոնսոլիդացման հարցը կարող է քննարկվել երկու տեսանկյունից՝ ծախսային և եկամտային, Հայաստանի ֆինանսների նախարար Վաչե Գաբրիելյանի հետ համատեղ ճեպազրույցում հայտարարել է ՀԲ Եվրոպայի և Կենտրոնական Ասիայի տարածաշրջանի Աղքատության կրճատման և տնտեսական կառավարման ստորաբաժանման ոլորտային տնօրեն Իվոն Ցիկատան։ Նրա խոսքով, Հայաստանը «չի ցանկանում սպառել իր ծախսային մասը, քանի որ երկրում անհրաժեշտություն կա ներդրումներ կատարել ենթակառուցվածքների մեջ, օրինակ, ճանապարհների շինարարության և մարդկային կապիտալի զարգացման։ «Հաշվի առնելով, որ Հայաստանում արձանագրվում է այսպես կոչված ոչ լիարժեք կատարողական ֆիսկալային կոնսոլիդացման տեսանկյունից, մենք (ՀԲ) կարծում ենք, որ հիմնական շեշտը պետք է դնել եկամտային մասի վրա»,- նշել է նա, մեկնաբանելով հայկական ԶԼՄ-ների ներկայացուցիչների հարցն այն մասին, որ իշխանությունները գնում են հարկային տոկոսադրույքների բարձրացման, այլ ոչ թե ստվերի կրճատման ճանապարհով՝ 2012-ին 100 մլրդ դրամով ավել հարկերի հավաքագրում ապահովելու համար։ Իր հերթին, Հայաստանի ֆինանսների նախարար Վաչե Գաբրիելյանը հավելել է, որ կառավարության կողմից մշակվել է հարկային փաթեթ, որը մինչև տարեվերջ ներկայացվելու է խորհրդարան։ Ինչպես նշել է նախարարը, այդ փաթեթը պարունակում է կետեր, որոնք նախատեսում են պայքար ստվերային տնտեսության դեմ և հարկային տոկոսադրույքների համապատասխանեցում տնտեսական իրողությունների հետ։ Հոկտեմբերի 18-ին Երևանում Համաշխարհային բանկի Եվրոպայի և Կենտրոնական Ասիայի տարածաշրջանի Աղքատության կրճատման և տնտեսական կառավարման ստորաբաժանումը ներկայացրել է «Հայաստան՝ պետական ծախսերի ուսումնասիրություն. հարկաբյուջետային կոնսոլիդացում և վերականգնում» զեկույցը։ ՀԲ զեկույցը պատրաստվել է Հայաստանի ֆինանսների նախարարության և Պետական եկամուտների կոմիտեի աջակցությամբ և գնահատում է երկրի հարկաբյուջետային քաղաքականության կայունությունը, որտեղ նաև մանրամասն քննվում են կրթության, առողջապահության, քաղծառայողների աշխատավարձերի հիմնադրամի և ճանապարհային տրանսպորտի ոլորտի ծախսերը։   5 18.10.11 - ՀՀ ֆինանսների նախարար Վաչե Գաբրիելյանի և Համաշխարհային բանկի Եվրոպայում եւ Կենտրոնական Ասիայում աղքատության կրճատման եւ տնտեսական քաղաքականության դեպարտամենտի տնօրեն Իվոնա Ցիկատայի ասուլիսըն ասուլիսը       Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
