  Սանջայ Սինգհ. Հնդկաստանում առանձնահատուկ ջերմությամբ են վերաբերվում Հայաստանին 1 նոյեմբերի 2011 - 16:23 AMT PanARMENIAN.Net - Նոյեմբերի 1-ին ԱԳ նախարար Էդվարդ Նալբանդյանն ընդունեց Հնդկաստանի Արեւելքի հարցերով քարտուղար Սանջայ Սինգհին: Ողջունելով հյուրին` նախարար Նալբանդյանը բարձր գնահատեց վերջին շրջանում հայ-հնդկական հարաբերություններում նկատվող ակնհայտ աշխուժացումը՝ ընդգծելով, որ դա երկու կողմից ցուցաբերվող հետեւողականության արդյունք է, եւ Հայաստանը շահագրգռված է հայ-հնդկական ավանդական ջերմ ու բարեկամական հարաբերությունների հետագա զարգացմամբ և խորացմամբ։ Սանջայ Սինգհն ընդգծեց, որ Հնդկաստանում առանձնահատուկ ջերմությամբ են վերաբերվում Հայաստանին ու հայ ժողովրդին եւ երկրի իշխանությունները նպատակադրված են ընդլայնել Հայաստանի հետ բարեկամական գործընկերությունն ու համագործակցությունը, հայտնում է ԱԳՆ մամլո ծառայությունը։ Զրուցակիցները գոհունակությամբ արձանագրեցին, որ անցյալ տարի ՀՀ ԱԳ նախարարի Հնդկաստան կատարած պաշտոնական այցելության ընթացքում ձեռք բերված պայմանավորվածություններն արդեն ի կատար են ածվում: Էդվարդ Նալբանդյանն ու Սանջայ Սինգհը քննարկեցին հոկտեմբերի 31-ին կայացած տնտեսական համագործակցության միջկառավարական հանձնաժողովի նիստի եւ այսօր տեղի ունեցած երկու երկրների ԱԳՆ-երի միջեւ խորհրդատվությունների արդյունքները: Հանդիպմանը կողմերն անդրադարձան երկկողմ քաղաքական, տնտեսական, կրթության, տեղեկատվական տեխնոլոգիաների, մշակութային եւ առողջապահության բնագավառներում համագործակցության ընդլայնմանն ուղղված ծրագրերին եւ այդ ուղղությամբ ձեռնարկվելիք քայլերին` մասնավորապես համապատասխան գերատեսչությունների միջեւ խորհրդատվությունների անցկացման, գործարար շրջանակների միջեւ շփումների ակտիվացման ինչպես նաեւ իրավապայմանագրային դաշտի ընդլայնման միջոցով: Զրուցակիցները մտքեր փոխանակեցին տարածաշրջանային եւ միջազգային մի շարք հարցերի շուրջ: ՀՀ ԱԳՆ ղեկավարը ներկայացրեց Հարավային Կովկասի տարածաշրջանային խնդիրները եւ դրանց կարգավորման վերաբերյալ Հայաստանի դիրքորոշումները: Էդվարդ Նալբանդյանը բարձր գնահատեց Հնդկաստանի հավասարակշռված դիրքորոշումն արցախյան հիմնախնդրի վերաբերյալ:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
