  Հայկ Դեմոյանն իրատեսական չի համարում Սաֆարովի էքստրադիցիան Ադրբեջան  14 դեկտեմբերի 2011 - 13:57 AMTPanARMENIAN.Net - Հայոց ցեղասպանության թանգարան-ինստիտուտի տնօրեն Հայկ Դեմոյանը իրատեսական չի համարում հայ սպա Գուրգեն Մարգարյանին կացնահարած Ռամիլ Սաֆարովի էքստրադիցիան Ադրբեջան: Ինչպես PanARMENIAN.Net ի թղթակցին է ասել է Հայկ Դեմոյանը, նման սցենարն անհնար է, հաշվի առնելով Գուրգեն Մարգարյանի սպանության աննախադեպությունը: Ըստ Դեմոյանի, չնայած հունգարական դատարանը կաշառելու Ադրբեջանի փորձերին, երկիրը չփոխեց իր դիրքորոշումն այդ հարցում: «Եթե Հունգարիան դիտարկեր Սաֆարովի էքստրադիցիայի հնարավորությունը, ապա դա կաներ դատավճռի կայացումից անմիջապես հետո: Ադրբեջանն արդեն 5 տարի է նույն երգն է երգում՝ փորձելով ամեն կերպ կաշառել Հունգարիային, սակայն, չեմ կարծում, որ դա կստացվի»,-ասել է Հայոց ցեղասպանության թանգարան-ինստիտուտի տնօրենը՝ հավելելով, որ ռեսուրսների պակասի պատճառով Բաքուն փորձում է իր բոլոր խնդիրները փողով լուծել: Դեմոյանը նաև վստահ է, որ Հունգարիան որևէ բան չի ձեռնարկի առանց Երևանին տեղյակ պահելու կամ Հայաստանի դիրքորոշումն այդ հարցում քննելու: 2006թ. Հայկ Դեմյանը եղել է ՀՀ ՊՆ ներկայացուցիչը Ռամիլ Սաֆարովի գործով դատավարությունում: 2004թ փետրվարի 19 Հայաստանի ԶՈւ զինծառայող, լեյտենանտ Գուրգեն Մարգարյանը, ով ՆԱՏՕ-ի կազմակերպած «Համագործակցություն հանուն խաղաղության» ծրագրի շրջանակներում անգլերենի դասընթացներ էր անցնում Բուդապեշտում, քնած ժամանակ գազանաբար կացնահարվել է ադրբեջանցի սպա, ավագ լեյտենանտ Ռամիլ Սաֆարովի կողմից: 2006 թ ապրիլի 13 հայ սպային սպանողը Բուդապեշտի քաղաքացիական դատարանի կողմից դատապարտվել է ցմահ ազատազրկման՝ առանց 30 տարիների ընթացքում ներման հնարավորության: Հայ սպայի մարդասպանին Ադրբեջանում համարում են ազգային հերոս:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
