  Հայաստանի արտաքին գործերի նախարար Էդվարդ Նալբանդյանը Վիեննայում մի քանի երկկողմ հանդիպում է անցկացրել 16 փետրվարի 2012 - 21:24 AMT PanARMENIAN.Net - Աֆղանստանից թմրամիջոցների ապօրինի շրջանառության դեմ պայքարին նվիրված Փարիզյան պակտի նախարարական երրորդ համաժողովի շրջանակում: Էդվարդ Նալբանդյանը հանդիպում ունեցավ ԵԱՀԿ գլխավոր քարտուղար Լամբերտո Զանյերի հետ: Հանդիպմանը զրուցակիցները հանգամանալից քննարկեցին ղարաբաղյան հիմնախնդրի կարգավորման գործընթացի վերջին զարգացումները: Այս ենթատեքստում ԵԱՀԿ գլխավոր քարտուղարը մտահոգություն հայտնեց շփման գծում լարվածության պահպանման կապակցությամբ և կարևորեց միջադեպերի քննության մեխանիզմի ստեղծումը: Հայաստանի ԱԳՆ ղեկավարն ու ԵԱՀԿ գլխավոր քարտուղարը անդրադարձան նաև Հայաստանում կայանալիք խորհրդարանական ընտրությունների նախապատրաստական աշխատանքներին: Վիեննայում Էդվարդ Նալբանդյանը հանդիպում ունեցավ նաև իր ռուսաստանցի գործընկերոջ` Սերգեյ Լավրովի հետ: Նախարարների հանդիպմանն անդրադարձ արվեց երկկողմ օրակարգի հարցերին, միջազգային և տարածաշրջանային զարգացումներին: Էդվարդ Նալբանդյանն ու Սերգեյ Լավրովը քննարկեցին երկու երկրների միջև իրավապայմանագրային դաշտի կատարելագործմանն առնչվող հարցեր: Հայաստանի ԱԳ նախարարը վերահաստատեց Ռուսաստանի իր գործընկերոջն ուղղված Երևան այցելելու հրավերը: Այնուհետև Նալբանդյանը հանդիպեց ԵԱՀԿ մշտական խորհրդի նախագահ դեսպան Իոն Օ'լիի հետ: Նրանք անդրադարձան Իռլանդիայի արտգործնախարար, ԵԱՀԿ գործող նախագահ Իէմոն Գիլմորի` Հայաստան նախատեսվող այցին: Էդվարդ Նալբանդյանը հանդիպեց նաև Ավստրիայի փոխվարչապետ, Եվրոպական և արտաքին գործերի նախարար Միխայիլ Շպինդելեգերի հետ: Հայաստանի և Ավստրիայի արտաքին քաղաքական գերատեսչությունների ղեկավարները քննարկեցին այս տարի նախատեսվող Ավստրիայի նախագահի Հայաստան կատարելիք այցի նախապատրաստական աշխատանքները: Հայաստանի ԱԳ նախարարի հաջորդ հանդիպումը Չեռնոգորիայի արտգործնախարար Միլան Ռոչենի հետ էր: Հանդիպման օրակարգում էին երկու երկրների միջև իրավապայմանագրային դաշտի ընդլայնման, տնտեսական փոխգործակցության զարգացման, ապակենտրոնացված համագործակցության, Չեռնոգորիայի ԱԳ նախարարի Երևան կատարելիք այցին առնչվող հարցեր: Նույն օրը, ավարտելով այցելությունը, Էդվարդ Նալբանդյանը վերադարձավ Երևան:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
