  ԵԽԽՎ-Ի ԿՈՂՄԻՑ ԸՆԴՈՒՆՎԱԾ ՀԱՅԱՍՏԱՆՈՒՄ ԴԻՏԱՐԿՄԱՆ ՄԱՍԻՆ ԶԵԿՈՒՅՑԸ ՇԱՀԱՎԵՏՈՐԵՆ ՏԱՐԲԵՐՎՈՒՄ Է ԱԴՐԲԵՋԱՆԻ ՎԵՐԱԲԵՐՅԱԼ ԶԵԿՈՒՅՑԻՑ28 հունվարի 2004 - 20:38 AMT PanARMENIAN.Net - Եվրախորհրդի խորհրդարանական վեհաժողովը (ԵԽԽՎ) նախօրեին ընդունել է Հայաստանում եւ Ադրբեջանում դիտարկման առնչությամբ զեկույցները` ԵԽ-ի առջեւ ստանձնած պարտավորությունների կատարման վերաբերյալ: Ինչպես «Արմինֆո» գործակալությանը տեղեկացրել է ԵԽԽՎ-ում Հայաստանի պատվիրակության ղեկավար, Ազգային ժողովի փոխխոսնակ Տիգրան Թորոսյանը, Սթրասբուրգում հայկական կողմին հաջողվել է «Լեռնային Ղարաբաղ եւ Ադրբեջանի այլ օկուպացված տարածքներ» ձեւակերպումից հանել «այլ» բառը, ինչն ամրագրվել է Հայաստանի վերաբերյալ զեկույցում: Նշենք, որ նման ձեւակերպումը կարող էր սխալ պատկերացում ստեղծել այն մասին, որ Լեռնային Ղարաբաղը նույնպես դասվում է գրավյալ տարածքների թվին: Միեւնույն ժամանակ, Ադրբեջանում դիտարկման առնչությամբ զեկույցում տվյալ ձեւակերպումը մնացել է նախկին խմբագրությամբ: Տիգրան Թորոսյանն ընդգծել է, որ Հայաստանում դիտարկման առնչությամբ զեկույցը շահավետորեն տարբերվում է Ադրբեջանի վերաբերյալ զեկույցից: Նրա խոսքերով` Հայաստանի մասին զեկույցում նշվել է ԵԽ-ի առջեւ Հայաստանի ստանձնած պարտավորությունների կատարման գործում առաջընթացը: Մինչդեռ, Ադրբեջանի առնչությամբ զեկույցում ԵԽ-ն ուշադրությունը կենտրոնացրել է երկրում քաղբանտարկյալների առկայության եւ մարդու իրավունքների խախտման, ինչպես նաեւ ստանձնած պարտավորությունների կատարման դանդաղ տեմպերի վրա: Ավելին, Տ. Թորոսյանի խոսքերով` Ադրբեջանի առնչությամբ զեկույցն ավարտվում է ԵԽԽՎ-ում ադրբեջանական պատվիրակության անդամներին մանդատներից զրկելու սպառնալիքներով` այն դեպքում, եթե հանրապետությունում չդիտվի ստանձնած պարտավորությունների կատարման հարցում առաջընթաց:  Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
