  Սենատորը Սարկոզիի համար վիրավորական չի համարում Սահմանադրական խորհրդի որոշումը 29 փետրվարի 2012 - 14:42 AMT PanARMENIAN.Net - Ֆրանսիայի UMP իշխող կուսակցության անդամ, պատգամավոր Բրիս Օրտեֆյեն մեկնաբանել է Սահմանադրական խորհրդի` Հայոց ցեղասպանության ժխտումը քրեականացնող օրինագծի գրաքննության վերաբերյալ որոշումը, ասելով, որ «հաշվի է առնում խորհրդի որոշումը», սակայն հրաժարվում է դրանում նախագահ Սարկոզիին ուղված «հարված» տեսնել: Այս մասին գրում է «Nouvelles d`Arménie»: Օրտեֆյեն նշել է. «Եկեք չօգտագործենք ամպագորգոռ բառեր: Պետք է հաշվի առնել Սահմանադրական խորհրդի որոշումը, սակայն պետք չէ արցունք թափել պատահածի համար»,-ընդգծել է նա: Ըստ նրա, Սարկոզին հայտարարել է, որ ինքն առաջիկայում հայ համայնքի հետ հանդիպելու առիթ կունենա և հանձնարարել է կառավարությանը վերանայել տեքստը` հաշվի առնելով Սահմանադրական խորհրդի որոշմանը հանգեցրած տարրերը: Հունվարի 23-ին Ֆրանսիայի Սենատը կողմ է քվեարկել Հայոց ցեղասպանության ժխտումը քրեականացնող օրինագծին: 2011թ. դեկտեմբերի 22-ին օրինագիծն ընդունվել էր Ֆրանսիայի Ազգային ժողովում: Օրինագծի հեղինակը պատգամավոր Վալերի Բուայեն է: Օրինագիծը ժխտման համար նախատեսում է 1 տարվա ազատազրկում և 45 հազ. եվրոյի չափով տուգանք: Թուրքիան շատ ցավագին է ընդունել այդ օրինագծին Սենատի հավանություն տալը` հայտարարելով Ֆրանսիայի հետ քաղաքական, ռազմական և տնտեսական համագործակցության սառեցման մասին:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
