  Եղեռնի մասին պատմող «Տատիկիս խարանները» ֆիլմը մասնակցում է Ստամբուլի Filmmor կինոփառատոնին 14 մարտի 2012 - 11:43 AMT PanARMENIAN.Net - Սյուզան Խարդալյանի «Տատիկիս խարանները» ֆիլմը ցուցադրվելու է Ստամբուլում, հայտնում է Ասպարեզը: Այն մասնակցելու է Ստամբուլի 10-րդ միջազգային Filmmor փառատոնին և ցուցադրվելու է այս հինգշաբթի և ուրբաթ օրերին AFM Fitaş Beyoğlu կինոթատրոնում: «Իմ ֆիլմը կարող է ծառայել երկխոսության հարթակ ձևավորելու, դժվար հարցերը քննարկելու համար: Այն գործ է ունենալու մեր խորը արմատավորված տաբուների հետ, տաբուներ, որոնք մեզ հաշմանդամ են դարձնում, ինչպես հայերին, այնպես էլ թուրքերին», ասում է Խարդալյանը: 10-րդ միջազգային Filmmor փառատոնը բացվել է մարտի 10-ին և շարունակվելու է մինչև մարտի 18-ը: Սկզբում Խարդալյանը մտադիր էր ֆիլմ նկարահանել Ռուանդայի ցեղասպանության զոհերի մասին, այդ երկրի կանանց մասին, այն մասին, թե ինչպես են նրանք կրում իրենց ուսերին ցեղասպանության ծանրությունը: Թեման ուսումնասիրելիս, նա ֆրանսիական արխիվներում փաստեր է հայտնաբերել, որոնք հիշեցրել են նրան իր տատիկի մարմնի խարանների մասին: 58 րոպե տևողությամբ ֆիլմը պատմում է նրա տատիկի պատմությունը՝ կնոջ, որը բազում սպիներ ունի դեմքին ու ձեռքերին՝ մշտապես հիշեցնելով նրան Ցեղասպանության ժամանակ կրած բռնության մասին: Սյուզան Խարդալյանն ազատ գրող է և կինոգործիչ: Մասնագիտությամբ լրագրող է, սովորել է Բեյրութի ու Փարիզի համալսարաններում: Նա ավելի քան 20 ֆիլմերի հեղինակ է, որոնք ցուցադրվել են ԱՄՆ-ում ու Եվրոպայում՝ «Ատում եմ շներին», «Երիտասարդ Ֆրոյդը Գազայից», «Վերադարձ դեպի Արարատ» ֆիլմերը:   Ուշագրավ Ֆիլմի ռեժիսորը Զառա Ջյանն է Պլասիդո Դոմինգոն Երևանում ելույթ է ունեցել նաև 2010–ին Փեյնի հեղինակած 8 լիամետրաժ ֆիլմերն առաջադրվել են ընդհանուր թվով 24 Օսկարի Տիգրան Ավինյանն ու Գրեգորի Դուսեն այցելել են պատմական թաղամաս   Ամենաընթերցվողը բաժնում |  Բաժիններ թեմայով Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
