  Քլինթոնի այցը. դրականն ավելի շատ է, քան բացասականըՌազմատենչ հայտարարությունները հիմա նյարդայնացնում են համաշխարհային հանրությանը, շուտով Ալիևը կհոգնեցնի բոլորին իր անվերջ նվնվոցով, և համաշխարհային հանրությունն, ի դեմս համանախագահ երկրների, կարող է նրան Ղարաբաղում պատերազմ սկսելու առիթ տալ Հիլարի Քլինթոնի տարածաշրջան կատարած այցը տվեց շատ հարցերի պատասխաններ, ամենից առաջ, պարզեց ԱՄՆ դիրքորոշումը Ղարաբաղի և հայ-թուրքական հարաբերությունների հարցում: Ճիշտն ասած, մնացած հարցերը Հայաստանին քիչ են հուզում, և դա ճիշտ չէ: ԱՄՆ պետքարտուղարի այցը ցույց տվեց, որ տխրահռչակ «մադրիդյան սկզբունքները», դեռ չծնված, մեռել են, իսկ դրանց փոխարեն մենք ունենք «սանկտպետերբուրգյան սկզբունքներ», որոնց հետ Ադրբեջանն ակնհայտորեն չի համաձայնվի` շարունակելով իր ժողովրդին պատմել «շրջանները վերադարձնելու» մասին հեքիաթները: Հարևան երկրի որոշ ԶԼՄ-ներ արդեն հասել են նրան, որ հաղորդում են թե Ալիևը Քլինթոնի հետ փակ դռների հետևում քննարկել է «7 շրջաններից 5-ը վերադարձնելու» հարցը:   6 հուլիսի 2010PanARMENIAN.Net - Հետաքրքիր է ստացվում. Էրդողանի հետ քննարկվում է 2 շրջան, Քլինթոնի հետ` 5: Իլհամ Ալիևն ամեն ինչ անում է ԼՂՀ անկախության ճանաչումը ձգձգելու համար: Վաղ թե ուշ նա ստիպված կանի դա, որովհետև, ինչպես արդեն գրել ենք, մշտական ռազմատենչ հայտարարությունները հիմա նյարդայնացնում են համաշխարհային հանրությանը, շուտով Ալիևը կհոգնեցնի բոլորին իր անվերջ նվնվոցով, և համաշխարհային հանրությունն, ի դեմս համանախագահ երկրների, կարող է նրան Ղարաբաղում պատերազմ սկսելու առիթ տալ: Ի՞նչ կհետևի դրան` դժվար չէ գուշակելը. պատժամիջոցներ, նավթադոլարի արտահոսք և լավագույն դեպքում քաղաքական ապաստանի տրամադրում: Վերջինը նա կարող է ստանալ Վրաստանի նախագահի մոտ, այն էլ` որոշ վերապահումներով: Իսլամական համերաշխության վրա, որն այդքան սիրում են խաղարկել Ադրբեջանում, Ալիևը չի կարող հույս դնել: Նրան նույնիսկ կարող է չընդունել Էրդողան «եղբայրը», էլ չասած Իսրայելի մասին: Իհարկե, սա ամենահոռետեսական կանխատեսումն է` Իլհամ Ալիևը կարող է ուղղակի արժանանալ Այազ Մութալիբովի ճակատագրին, որը նստած է Մոսկվայում: Սակայն Բաքուն շարունակում է սպառնալ պատերազմով և պարծենալ ռազմական բյուջեով: Բայց Քլինթոնի` Հարավային Կովկաս կատարած այցի ժամանակ ոչ ոք ուշադրություն չդարձրեց մի նրբության վրա, որը շատ լուրջ է: Ելույթ ունենալով Թբիլիսիում` ԱՄՆ արտաքին քաղաքականության գերատեսչության ղեկավարը հստակ հայտարարեց, որ «ԱՄՆ-ն չի հանդուրժի Վրաստանի բռնազավթումը»: Այսինքն, այս դեպքում ամեն ինչ իր տեղն է ընկնում: Բաքվում Քլինթոնը ոչինչ չասաց «բռնազավթված տարածքների » մասին, իսկ դա նշանակում է, որ ԱՄՆ-ն Ադրբեջանի տարածքային ամբողջականությունը խախտված չի համարում: Բայց չէ՞ որ Քլինթոնից Բաքվում ցանկանում էին լսել հենց «բռնազավթված տարածքների» մասին: Իսկ նա վերցրեց ու ասաց, որ ղարաբաղյան կարգավորման մեջ գլխավոր շահագրգիռ կողմը Լեռնային Ղարաբաղի բնակչությունն է, և խաղաղ կարգավորումն այլընտրանք չունի: Ամենայն հավանականությամբ, հենց այդ պատճառով, դեռ չէր հասցրել ԱՄՆ պետքարտուղարը մեկնել Բաքվից, Ադրբեջանում կրկին սկսեցին պատերազմի կոչեր հնչել: Ինչ վերաբերվում է հնարավոր պատերազմին, ապա Ամերիկան արդեն դասեր է քաղել 2008-ի օգոստոսյան պատերազմից: Եվ այն, որ ԱՄՆ-ում խոսում են «ժողովրդավարության փարոսի», ՆԱՏՕ մտնելու Վրաստանի ձգտման մասին, կրկին գեղեցիկ փաթեթավորված խոսքեր են: Նույնը կարելի է ասել Բաքվում և Երևանում արված հայտարարությունների մասին Հարավային Կովկասում ժողովրդավարության զարգացման մասին: Այցի շրջանակներում Հիլարի Քլինթոնն այցելեց Շահիդների պուրակ և Ծիծեռնակաբերդ: Հավասարությունը պահպանվեց նաև այստեղ, բայց նա զերծ չմնաց Ամերիկայի Հայ դատի հանձնախմբի հադիմանանքից: Դաշնակները, չգիտես ինչու, համարեցին, որ Հիլարի Քլինթոնը, այցելելով Հայոց ցեղասպանության հուշահամալիր և անվանելով այդ այցը «մասնավոր», անարգել է Ցեղասպանության զոհերի հիշատակը: Յուրաքանչյուրն ասում է այն, ինչ ցանկանում է, բայց ANCA-ի ակտիվությունը երբեմն անցնում է բանականության սահմանները: Այնուամենայնիվ, այցը կայացավ, և այն ավելի շատ դրական էր, քան բացասական: Իսկ Բաքվում թող մտածեն նավթի վրա հիմնված թափանցիկ բարգավաճման և այլ տհաճ բաների մասին: Կարինե Տեր-Սահակյան / PanARMENIAN News  Ամենաընթերցվողը բաժնում Ինչ է իրենից ներկայացնելու Սաուդյան Արաբիայում կառուցվելիք աշխարհի խոշորագույն շինությունը Վերջին ամսվա զարգացումները Իրադարձություններ, որոնք զարգացել են 1 ամսից էլ քիչ ժամանակում Ինչպես անցավ Eurosatory 2022-ը    Ուշադրության կենտրոնում Բաժնի այլ նյութերըԱլիևը փորձում է ԵՄ-ին համոզել, թե «Զանգեզուրի միջանցք» կոչվածը պետք է Եվրոպային  Ամենազգայուն՝ գազի գործոնովԲայրաքթարից պակաս աղմկահարույց, բայց ավելի փորձառու Իրանական ԱԹՍ-ների չբացահայտված պոտենցիալըՀին վիրուսի նոր բռնկումը Ինչ է հայտնի կապիկի ծաղկի դեպքերի աճի մասին |  Այլ հոդվածներ Վերջին լուրեր ԱՄՆ-ն Հայաստանին և Ադրբեջանին հրավիրել է ՆԱՏՕ-ի գագաթնաժողովին Այդ մասին Բաքվում լրագրողների հետ հանդիպմանը հայտարարել է Ջեյմս Օ՛ԲրայենըՀանրային ռադիոյի գործադիր տնօրենի թափուր պաշտոնի համար նոր մրցույթ է հայտարարվել Հունիսի 5–ին Հանրային ռադիոյի գործադիր տնօրենի թափուր պաշտոնի համալրման նպատակով մրցույթը համարվել է8 չկայացածՇախմատիստ Օհանյանը ոսկի է նվաճել Եվրոպայի Մ18 առաջնությունում Նա արժանացել է մեդալի 1-ին խաղատախտակի շուրջ լավագույն արդյունքի շնորհիվՕ՛Բրայենը՝ ՀՀ–ի կողմից ֆրանսիական զենքի գնման մասին․ Ամեն երկիր ինքնապաշտպանության իրավունք ունի Նա նշել է, որ Բաքուն էլ է այդ ուղղությամբ աշխատում |
