  ՏԱՐԱԾԱՇՐՋԱՆՈՒՄ ՈՒԺԵՐԻ ՀԱՇՎԵԿՇՌԻ ԵՏՊԱՏԵՐԱԶՄՅԱՆ ԽԱԽՏՈՒՄԸ ՀՂԻ Է ԱՆԿԱՆԽԱՏԵՍԵԼԻ ՀԵՏԵՎԱՆՔՆԵՐՈՎ ՀԱՅԱՍՏԱՆԻ ՀԱՄԱՐ, ԳՏՆՈՒՄ Է ՌՈՒՍԱՍՏԱՆԻ ՔԱՂԱՔԱԳԵՏԸ27 մարտի 2003 - 22:17 AMT PanARMENIAN.Net - Պատերազմն Իրաքում կարող է դառնալ տարածաշրջանում իրավիճակի համընդհանուր ապակայունացման պատճառ, որը կարող է հանգեցնել Հայաստանի համար ճակատագրական հետեւանքների: «Արմինֆո» գործակալությանը նման կարծիք է հայտնել ռուսաստանցի հայտնի քաղաքագետ Անդրանիկ Միհրանյանը: Նրա խոսքերով, կա Իրաքի պետականության փլուզման եւ Թուրքիայում իրավիճակի ապակայունացման իրական սպառնալիք, որը կհանգեցնի անկանխատեսելի իրադարձությունների Իրանում: «Եթե ԱՄՆ-ն շարունակի հաշվեհարդարը այսպես կոչված «չարիքի առանցք»-ի երկրների հետ, ապա գոյություն ունի տարածաշրջանում ուժերի ընդհանուր հաշվեկշռի խախտման մեծ հավանականություն, ինչը կարող է հանգեցնել Հայաստանի համար անկանխատեսելի հետեւանքների», - կարծում է Ա.Միհրանյանը: Նման դիրքորոշումը նա բացատրեց այն բանով, որ Հայաստանի քաղաքականության բոլոր առավելություններն ու նվաճումներն առնչվում էին հաշվեկշռի պահպանմանը ոչ կայուն տարածաշրջանում: «ԱՄՆ-ն, Ռուսաստանը, Իրանն ու Թուրքիան այստեղ ստեղծել են այնպիսի իրավիճակ, որը Հայաստանին թույլ էր տալիս բնականոն հարաբերություններ պահպանել ինչպես ԱՄՆ-ի եւ Եվրոպայի երկրների, այնպես էլ` Իրանի եւ Ռուսաստանի հետ: Իրանում իրավիճակի հավանական բարդացումը, Ռուսաստանի սահմանափակ հնարավորությունները եւ Թուրքիայում իրավիճակի ապակայունացումը կարող են Հայաստանի առջեւ այնպիսի խնդիրներ առաջացնել, որոնք նա ի զորու չէ լուծել ինքնուրույն», - ընդգծեց քաղաքագետը: Նա պատահական չի համարել, որ Հայաստանը պաշտպանել է Իրաքում ռազմական գործողությունների շուտափույթ դադարեցման եւ ՄԱԿ-ի Անվտանգության խորհրդում այդ հարցի քննարկմանը վերադառնալու անհրաժեշտության վերաբերյալ եվրոպական երկրների եւ Ռուսաստանի դիրքորոշումը: Այդպիսով, ընդգծել է Ա.Միհրանյանը, գրավելով տվյալ հարցում զուսպ դիրքորոշում, այսինքն, ակտիվ պաշտպանություն չհայտնելով պատերազմին, ու նաեւ առանձնապես չդատապարտելով հակաիրաքյան կոալիցիայի գործողությունները, հայկական դիվանագիտությունը շատ հարմար եւ հավասարակշռված դիրք է գրավել, քանի որ իրադարձությունների ցանկացած զարգացման դեպքում Հայաստանը մեկուսացման մեջ չի հայտնվի:  Ուշագրավ Ըստ Յուսուբովի, այդ մարդիկ պետկառույցների աշխատակիցներ են և գործարարներ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է   Ամենաընթերցվողը բաժնում |  Վերջին լուրեր ԱՄՆ-ն Հայաստանին և Ադրբեջանին հրավիրել է ՆԱՏՕ-ի գագաթնաժողովին  Այդ մասին Բաքվում լրագրողների հետ հանդիպմանը հայտարարել է Ջեյմս Օ՛ԲրայենըՀանրային ռադիոյի գործադիր տնօրենի թափուր պաշտոնի համար նոր մրցույթ է հայտարարվել Հունիսի 5–ին Հանրային ռադիոյի գործադիր տնօրենի թափուր պաշտոնի համալրման նպատակով մրցույթը համարվել է8 չկայացածՇախմատիստ Օհանյանը ոսկի է նվաճել Եվրոպայի Մ18 առաջնությունում Նա արժանացել է մեդալի 1-ին խաղատախտակի շուրջ լավագույն արդյունքի շնորհիվՕ՛Բրայենը՝ ՀՀ–ի կողմից ֆրանսիական զենքի գնման մասին․ Ամեն երկիր ինքնապաշտպանության իրավունք ունի Նա նշել է, որ Բաքուն էլ է այդ ուղղությամբ աշխատում |
