  ՄԱԿ-Ի ԳԼԽԱՎՈՐ ՎԵՀԱԺՈՂՈՎԸ ՁԵՌՆՊԱՀ Է ՄՆԱՑԵԼ ՂԱՐԱԲԱՂՅԱՆ ԿԱՐԳԱՎՈՐՄԱՆԸ ՄԻՋԱՄՏԵԼՈՒՑ24 նոյեմբերի 2004 - 18:29 AMT PanARMENIAN.Net - Երեկ ՄԱԿ-ի Գլխավոր վեհաժողովը փաստորեն մերժել է Ադրբեջանի ներկայացրած բանաձեւի նախագիծը, որը վերաբերում էր Լեռնային Ղարաբաղի շուրջ անվտանգության գոտի ստեղծող տարածքների հարցին` հետաձգելով քվեարկությունը անորոշ ժամանակով: Հայկական կողմի վերահսկողությունը այդ տարածքների վրա հանդիսանում է ԼՂՀ հայ բնակչության անվտանգության եւ ռազմական գործողությունները չվերսկսելու միակ իրական երաշխիքը: Ադրբեջանի կողմից ներկայացված բանաձեւի նախագծի դեմ առարկել են ԱՄՆ, Ֆրանսիայի եւ Ռուսաստանի ներկայացուցիչները: Ադրբեջանի դիրքորոշմանը աջակցել են Թուրքիան եւ Պակիստանը: Ադրբեջանի ԱԳ նախարար Է.Մամեդյարովը հայտարարել է, որ Ադրբեջանը անհանգստացած է այն փաստով, որ անվտանգության գոտու տարածքների վերաբնակեցումը հայ փախստականներով ստանում է պետական աջակցություն: Նա նաեւ նշել է, որ ներկայացված բանաձեւի նախագիծը հակամարտության կարգավորման հարցը ՄԱԿ-ի օրակարգ մտցնելու նպատակ չունի: ՄԱԿ-ում Հայաստանի ներկայացուցիչ Արմեն Մարտիրոսյանը հերքել է ադրբեջանական կողմի ներկայացված փաստերը: Նա նշել է նաեւ, որ Հայաստանը պետականորեն չի աջակցում այդ շրջանների վերաբնակեցմանը: Նա ընդգծել է հայկական կողմի դիրքորոշումը, ըստ որի Լեռնային Ղարաբաղը երբեք չի եղել եւ չի լինի Ադրբեջանի բաղկացուցիչ մասը: ԵԱՀԿ Մինսկի խմբի համանախագահ պետությունների անունից հանդես է եկել ԱՄՆ ներկայացուցիչը` նշելով, որ ադրբեջանական կողմի անհանգստությունը կարող է ուղղվել ԵԱՀԿ-ին: Նա հավանություն է տվել ԵԱՀԿ շրջանակներում այդ փաստերը ուսումնասիրող փորձագիտական խումբ ստեղծելու մասին Ադրբեջանի առաջրկին: Հայկական կողմը իր հերթին չի առարկում ԵԱՀԿ շրջանակներում նման հանձնաժողով ստեղծելու դեմ: Ավելին, ինչպես երեկ հայտարարել է Հայաստանի ԱԳ նախարար Վ.Օսկանյանը, դիտարկող առաքելությունների անցկացումը այդ տարածքներում շահավետ է նաեւ հայերին, քանի որ, այդ դեպքում մենք կարող ենք կոնկրետ հարց դնել Գետաշենի, Շահումյանի եւ Հյուսիսային Մարտակերտի փախստականների իրավիճակի մասին: Հիշեցնենք, որ այդ տարածքները խորհրդային բանակի աջակցությամբ գրավել են ադրբեջանական ուժերը, իսկ հայկական բնակչությունը կամ արտաքսվել է կամ ոչնչացվել:   Ուշագրավ Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում   Ամենաընթերցվողը բաժնում |  Վերջին լուրեր ՄԻՊ. Պետությունը պարտավոր է ձեռնարկել զինծառայողների կյանքի իրավունքի պաշտպանությանն ուղղված քայլեր  Պարզաբանումներ ստանալու նպատակով, գրություններ են ուղարկվել իրավասու պետական մարմիններինԻրավապաշտպան․ 3 զինվորի մահ՝ 18 օրում, պետությունն է պատասխանատու զինվորի կյանքի համար «Դեռ զինվորին հողին չհանձնած, ընտանքը մեղայական խոսքերի փոխարեն լսում էր մեղադրանքներ ու սպառնալիքներ»,–գրել է նաՄիրզոյան․ Ադրբեջանը նոր, երբեմն արհեստական խոչընդոտներ է ստեղծում պայմանագրի ստորագրումը երկարաձգելու համար Նա նաև կարևորել է սահմանազատման գործընթացի շարունակականությունըՆԳՆ․ Համացանցում փորձում են ոստիկանության անունից գումարներ շորթել Ոստիկանությունը հորդորում է զերծ մնալ անծանոթ կայքերում կամ էջերում անձնական տվյալներ լրացնելուց |
