  Թուրքամետ կոնգրեսականները կոչ են անում դադարեցնել Կոնգրեսում Հայոց ցեղասպանության մասին բանաձեւի առաջխաղացումը 1 մարտի 2010 - 13:47 AMT PanARMENIAN.Net - Թուրքամետ կոնգրեսականները Կոնգրեսում իրենց գործընկերներին կոչ են անում դադարեցնել Կոնգրեսում Հայոց ցեղասպանության մասին 252 բանաձեւի առաջխաղացումը նախքան այն կքննարկվի Ներկայացուցիչների պալատի արտաքին գործերի կոմիտեում: Ինչպես գրում է ամերիկյան The Hill թերթը, փետրվարի 22-ին կոնգրեսականներ Սթիվ Քոենը, Քեյ Գրենջերը եւ Էդ Վայթֆիլդը նամակ են հղել արտաքին գործերի կոմիտե, որում կոնգրեսականներին խնդրել են հրաժարվել բանաձեւի առաջխաղացումից: Նամակում կոնգրեսականներն ընդգծել են, որ այդ բանաձեւի ընդունումը կվնասի Հայաստանի ու Թուրքիայի միջեւ հարաբերություններին: Բացի դրանից, կոնգրեսականների այդ եռյակը մտադիր է առանձին նամակ հղել կոմիտեի նախագահ Հովարդ Բերմանին: Ներկայումս նրանք ստորագրություններ են հավաքում եւ արդեն 14 կոնգրեսականներ միացել են նամակի կոչին: Ի պատասխան դրան ԱՄՆ հայկական կազմակերպությունները` Ամերիկայի Հայկական Համագումարը (AAA), Համահայկական Բարեգործական Միությունը (AGBU), ԱՄՆ-ում Հայ Առաքելական եկեղեցու Արեւելյան ու Արեւմտյան թեմերը փետրվարի 25-ին նամակ հղեցին Հովարդ Բերմանին` կոչ անելով նրան օժանդակել բանաձեւի ընդունումը: Թերթը գրում է, որ այս տարի կոմիտեում բանաձեւի ընդունման համար լավ հնարավորություն կա` հաշվի առնելով, որ Բերմանն օժանդակում է բանաձեւը: Բաից դրանից, արտաքին գործերի կոմիտեում 46 կոնգրեսականներից 16-ը բանաձեւի ընդունման կողմնակիցներն են: «Բայց ամբողջ խնդիրը կայանում է նրանում, թե ինչ կկատարվի բանաձեւի հետ կոմիտեում դրա ընդունման դեպքում: 2007-ին, երբ կոմիտեն մեծ դժվարությամբ ընդունեց բանաձեւը, ԱՄՆ Ներկայացուցիչների պալատի խոսնակ Նենսի Պելոսին թուրքական կողմից ճնշման պատճառով քվեարկության համար չներկայացրեց բանաձեւը Ներկայացուցիչների պալատում»,- հիշեցնում է թերթը: Նենսի Պելոսիի մամլո քարտուղար Նադիմ Էլշամին չհաղորդեց, թե արդյոք բանաձեւը Ներկայացուցիչների պալատում քվեարկության կառաջադրվի կոմիտեի կողմից ընդունվելու դեպքում, թե ոչ:    Հայոց ցեղասպանության մասին բանաձև 252 բանաձևը Ներկայացուցիչների պալատին են ներկայացրել Ադամ Շիֆն ու Ջորջ Ռադանովիչը: Ներկայումս բանաձևին սատարում են շուրջ 140 կոնգրեսականներ: 2010 թվականի մարտի 4-ին Ներկայացուցիչների պալատի արտաքին հարաբերությունների կոմիտեն հավանություն տվեց բանաձևին՝ 22 «կողմ» և 21 «դեմ» ձայների հարաբերակցությամբ: Նմանատիպ բանաձև է ներկայացված նաև ԱՄՆ Սենատում: Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին:  Ուշագրավ Ըստ Յուսուբովի, այդ մարդիկ պետկառույցների աշխատակիցներ են և գործարարներ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է   Ամենաընթերցվողը բաժնում |  Սյուժե Վերջին լուրեր Միրզոյանն ու Կուլեբան կարևորվել են Կիևում անցկացված քաղաքական խորհրդակցությունները  Անդրադարձ է կատարվել տարածաշրջանային թեմաներինՀՀ և Սլովենիայի ԱԳ նախարարները քննարկել են երկկողմ օրակարգի և տարածաշրջանային հարցեր Միրզոյանը շնորհակալություն է հայտնել Լեռնային Ղարաբաղից տեղահանված երեխաներին աջակցության համարԼոռի Բերդ ամրոցի եկեղեցու վերականգնումը սկսվել է Ընտրվել են վերականգնման համար անհրաժեշտ քարատեսակները, մաքրվել է տանիքների վրա կուտակված հողի շերտըՄիրզոյանը Բորելի հետ խոսել է տարածաշրջանային վերջին զարգացումներից Միրզոյանը շփումներ է ունեցել ֆորումին մասնակցող բարձրաստիճան պաշտոնյաների հետ |
