9 նոյեմբերի 2001 - 17:07 AMT
PanARMENIAN.Net - Ավելի քան 700 մարդ յուրաքանչյուր օր կարդում է Օսմանյան Թուրքիայում 1915 թվականին տեղի ունեցած Հայոց ցեղասպանության մասին մանրամասն տեղեկություններ պարունակող ինտտերնետային էջը: Ելույթ ունենալով Հայաստանի Գիտությունների Ազգային Ակադեմիայի ընդլայնված նիստում` ցեղասպանության թանգարան-ինստիտուտի տնօրեն Լավրենտի Բարսեղյանը հայտնել է, որ այս տարվա գարնանը ստեղծված ինտերնետային էջը պարունակում է վավերական լուսանկարներ, ցեղասպանության արհավիրքները վերապրած մարդկանց հիշողություններ, նյութեր թանգարան-ինստիտուտի գործունեության մասին: Ինչպես հայտնում է «Արմինֆո» գործակալությունը, այդ նախագիծը ֆինանսավորել է Բոստոնում հայկական գրադարանի տնօրեն, բարեգործ Հայկ Տեր-Մանվելյանը:
Լրատվության արտատպելու, կամ օգտագործելու դեպքում հղումը "PanARMENIAN.Net -ի վրա պարտադիր է: