  ԵՄ-ն հուսով է, որ ղարաբաղյան հակամարտությունը տարիներով չի ձգձգվի  18 հոկտեմբերի 2010 - 16:15 AMTPanARMENIAN.Net - «Շատ ողբերգական կլինի, եթե ղարաբաղյան հակամարտությունը լուծում չստանա ևս 40 տարի»,-հայտարարել է Հարավային Կովկասում ԵՄ հատուկ ներկայացուցիչ Պիտեր Սեմնեբին ռուսական «Կոմերսանտ» թերթին: Ըստ նրա, ղարաբաղյան հակամարտությունը չափազանց շատ ձգձգվեց: «Ղարաբաղյան հակամարտությունը վտանգավոր է տարածաշրջանի երկրների, հարևանների համար, քանի որ այն վակուումի մեջ չէ: Մեծ ջանքեր է հարկավոր գործադրել կարգավորելու համար այդ հակամարտությունը: Հարկավոր է ամրապնդել հրադադարի ռեժիմը շփման գծում, որտեղ ամիսներ շարունակ միջադեպեր ու փոխհրաձգություն է տեղի ունենում»,-ասել է նա: Սեմնեբին գտնում է, որ հրադադարը խնդրի լուծում չէ, սակայն նպաստում է բանակցային գործընթացին: Ինչ վերաբերում է Հայաստանում տեղակայված ռուսական ռազմակայանին, ապա Սեմնեբին նշել է, որ չէր ցանկանա գնահատականներ տալ այդ պայմանագրին: «Դա Ռուսաստանի ու Հայաստանի երկկողմ գործն է: Անշուշտ, մեզ հետաքրքրում է այդ հարցը, ես կարծում եմ, որ այսօր հարկավոր է խորհրդակցել տարբեր կողմերի հետ ու համոզել հարևաններին, որ այդ պայմանագիր վտանգ չի ներկայացնում նրանց համար: Հարկավոր է ավելի լայն քննարկել Կովկասում ռազմական ներուժի հարցեը: Զարմանալի չէ, օրինակ, որ Հայաստանը մտահոգված է Ադրբեջանի խոշոր ռազմական ծախսերով: Եթե կողմերը շարունակեն միջոցներ և հակամիջոցներ ձեռնարկել, արդյունքում դա կարող է նվազեցնել ուժի կիրառման շեմը, ինչը վտանգավոր է և ողբերգական: Չի կարելի թույլ տալ, որ ղարաբաղյան կամ այլ հակամարտություն ռազմական լուծում ստանա»,-ասել է Սեմնեբին:
  Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Սյուժե Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
