Արմեն Գևորգյանը հանդիպել է Քուվեյթի հայ համայնքի ներկայացուցիչների հետ  9 դեկտեմբերի 2010 - 13:50 AMTPanARMENIAN.Net - Աշխատանքային այցով Քուվեյթի Պետությունում գտնվող ՀՀ փոխվարչապետ, տարածքային կառավարման նախարար Արմեն Գևորգյանն այսօր երեկոյան Ազգային առաջնորդարանում հանդիպեց Քուվեյթի հայ համայնքի ներկայացուցիչների հետ: Ա. Գևորգյանը բարձր գնահատեց Քուվեյթի ոչ մեծաթիվ, բայց կազմակերպված հայկական համայնքի դերը երկու երկրների բարեկամական հարաբերությունների ամրապնդման գործում` նկատելով, որ Հայաստանի ու հայ ժողովրդի նկատմամբ ջերմ ու դրական վերաբերմունքը ձևավորվել է հենց հայ համայնքի շնորհիվ: Փոխվարչապետը վստահեցրեց, որ Սփյուռքի հետ կապված հարցերը ՀՀ իշխանությունների համար առաջնային են, և ՀՀ սփյուռքի նախարարության ստեղծման նպատակը հայրենիք- Սփյուռք հարաբերությունների ամրապնդումն ու դրանց համակարգված բնույթ հաղորդելն է: Նա նաև կարևորեց Քուվեյթում ՀՀ դեսպանության բացումը, ինչն ավելի կսերտացնի հայրենիքի հետ կապը: Հանդիպմանն անդրադարձ եղավ համայնքային կյանքին, համայնքին հուզող խնդիրներին: Փոխվարչապետը պատասխանեց ներկաների հարցերին, որոնք վերաբերում էին մասնավորապես Հայաստան- Սփյուռք հարաբերություններին, հայապահպանության խնդիրներին, Հայաստանի սոցիալ-տնտեսական զարգացմանն ուղղված ծրագրերին, հաղորդում է տարածքային կառավարման նախարարության հասարակայնության հետ կապերի բաժինը:
  Ուշագրավ Ըստ Յուսուբովի, այդ մարդիկ պետկառույցների աշխատակիցներ են և գործարարներ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է   Ամենաընթերցվողը բաժնում |  Վերջին լուրեր Մինչև հուլիսի 4–ն անձրևներ կտեղան՝ առանձին հատվածներում հորդառատ․ 3-5 աստիճանով կհովանա  Հուլիսի 1–ի ցերեկային ժամերին Երևանում սպասվում է +29 աստիճան, հուլիսի 2–ին՝ +27Երևան կժամանի ՍԾՏՀԿ գլխավոր քարտուղարը․ ՀՀ–ն ստանձնում է կազմակերպության նախագահությունը ՀՀ ԱԳՆ-ում կկայանա նախարար Արարատ Միրզոյանի և Լազար Կոմանեսկուի հանդիպումըՊատանի հայ բռնցքամարտիկները 3 ոսկի, 6 արծաթ և 1 բրոնզ են նվաճել ԵԱ–ում Թիմային պայքարում Հայաստանը 2-րդն է |
