Ըստ վիճակագրական տվյալների, 2012թ. գնաճը 2011թ. նույն ժամանակահատվածի համեմատ կազմել է 4,8 տոկոս: 2012թ. փետրվարին 2011թ. հունվարի համեմատ սպառողական գներն աճել են 5,6 տոկոսով:
2012թ փետրվարին 2011-ի նույն ժամանակահատվածի համեմատ, սպառողական գներն ավելացել են 3 տոկոսով, ընդ որում ամսական կտրվածքով գրանցվել է 0,9 տոկոս գների անկում: Միաժամանակ 2012 հունվար-փետրվար ամիսներին 2011-ի նույն ժամանկահատվածի համեմատ գրանցվել է 3,9 տոկոս գնաճ:
Ի տարբերություն ՀՆԱ ցուցանիշի, տնտեսական ակտիվության ցուցանիշը հաշվարկվում է տնտեսական գործունեության իրականացված տեսակների ծավալով, ոչ թե հավելյալ արժեքի ծավալներով և չի ներառում արտադրության ու ֆինանսական միջնորդության համար մաքուր հարկերը, որոնք անուղղակիորեն են հաշվարկվում:
Տնտեսական աճը Հայաստանում ըստ 2012թ. բյուջեի նախատեսված է 4,2 տոկոսի մակարդակում, իսկ գնաճը՝ 4±1,5%:
Հունաստանը պատրաստ է աջակցել Հայաստանին ԵՄ հետ ասոցիատիվ համաձայնագրի ստորագրման հարցում: Այս մասին Երևանում հայտարարել է Հունաստանի տնտեսական և սոցիալական կոմիտեի պատվիրակության նախագահ Քրիստոս Պոլիզողոպուլոսը: Նա նշել է, որ Հունաստանն ու Հայաստանը սերտ բարեկամական հարաբերություններ ունեն՝ հիմնված պատմամշակութային ժառանգության վրա:
Ինչպես նշել է Քրիստոս Պոլիզողոպուլոսը, այսօրվա դրությամբ Հունաստանի տնտեսությունը ծանր ժամանակներ է ապրում և վարում է տնտեսման կոշտ քաղաքականություն, որը վատ է անդրադառնում ժողովրդի վրա: «Մենք վստահ ենք, որ կկարողանանք հաղթահարել ճգնաժամը և կարևոր դերակատարություն ունենալ Եվրոպայում»,-հավելել է նա:
Հայաստանը դեռ չի հաղթահարել ճգնաժամը: Այս մասին Երևանում հայտարարել է Հունաստանի Տնտեսական և սոցիալական խորհրդի ղեկավար Քրիստոս Պոլիզողոպուլոսը: Ըստ նրա, համաշխարհային զարգացումները վկայում են, որ կարող է նոր «ցունամի» առաջանալ, քանի որ ճգնաժամի աղբյուրներն առայժմ արմատախիլ չեն արվել:
«Մենք չպետք է անհոգ լինենք, Հայստանը ևս, որի իշխանությունները քիչ ջանքեր չեն գործադրել ճգնաժամին դիմակայելու համար»,-հայտարարել է Պոլիզողոպուլոսը: