Համեմատության համար վերցրել ենք հետադարձով թռիչքի գները` 2016-ի դեկտեմբերի 30-ից (մեկնում) 2017-ի հունվարի 6-ը (վերադարձ)՝ դիտարկելով այդ ժամանակահատվածի հասանելի ամենամատչելի տարբերակները:
Տոմսերի արժեքը` հոկտեմբերի 18-ի դրությամբ:
2013-ին Հայաստանի կառավարությունը հաստատել է ավիափոխադրումների ոլորտի փուլային ազատականացման ռազմավարությունը, այն բանից հետո, երբ Հայաստանի ազգային ավիափոխադրող «Արմավիա» ընկերությունը որոշում կայացրեց 2013-ի ապրիլի մեկից թռիչքների դադարեցման և սնանկացման գործընթաց սկսելու մասին։ Տվյալ փաստաթուղթը նախատեսում էր ոլորտում առնվազն երեք հայկական ավիաընկերությունների գործունեություն։
ՀՀ կառավարությունը քաղաքացիական ավիացիայի ոլորտում որդեգրել է «Բաց երկնքի» քաղաքականությունը, որը ենթադրում է ավիաընկերությունների առևտրային գործունեությանը պետության միջամտության նվազեցում:
