Ապրիլի 2-ին Ազգային ժողովի ընտրություններին մասնակցել է 1.577.323 ընտրող կամ ընտրողների 60.93%-ը: 2012 թվականին քվեարկողների թիվը 1,573,053 էր:
ԿԸՀ հրապարակած տվյալների համաձայն, անվավեր է ճանաչվել ընդամենը 6701 քվեաթերթիկ:
2012-ին ձևավորված 2 ընդդիմադիր խմբակցության փոխարեն նոր ԱԺ-ում լինելու է 1-ը, 12 պատգամավորի փոխարեն՝ 9-ը:
Ռեյտինգային ընտրակարգով ամենաշատ ձայնը ստացել է ՀՀԿ-ական Արայիկ Գրիգորյանը՝ 45339 ձայն: Ամենաքիչ ձայնը ստացել է Հայաստանի կոմունիստական կուսակցությունից Գառնիկ Վարդանյանը՝ 6 ձայն:
6-րդ գումարման Ազգային ժողովում կլինի 105 պատգամավոր:
Մատնահետքը գրանցող էլեկտրոնային սարքը մոտ 3 րոպե չէր կարողանում գրանցել ՀՀ նախագահին: Ի վերջո, 7-րդ փորձից հետո սարքը գրանցեց Սերժ Սարգսյանի՝ աջ ձեռքի ճկույթի մատնահետքը: