Կալիֆորնիան հարազատ տուն է դարձել գրեթե մեկ միլիոն հայերի համար: Նահանգի հայ համայնքը ներկայացված է գործունեության գրեթե բոլոր ոլորտներում` գյուղատնտեսություն, բիզնես, կրթություն, հանրային ծառայություններ, սպորտ եւ մշակույթ: Հայերը պահպանել են իրենց ինքնատիպ ժառանգությունը, լեզուն ու կրոնը, այդպիսով հարստացնելով նահանգի բազմազան պատմությունը, արդյունաբերությունն ու մշակույթը: Ես բազմիցս եմ ճանաչել Հայոց ցեղասպանությունը եւ շարունակում եմ կոչ անել բոլոր ազատատենչ մարդկանց Ամերիկայում եւ ողջ աշխարհում անել նույնը: Սակայն ես չեմ պատրաստվում մեկնաբանել դաշնային օրենսդիր մարմնի գործողությունները Նախանշված են մի շարք միջոցառումներ, որոնց կազմակերպմանը մասնակցում են տարբեր հայկական եւ ոչ հայկական կազմակերպություններ` նահանգի մայրաքաղաքից, այլ քաղաքներից, կրոնական եւ հասարակական կազմակերպություններ, ինչպես նաեւ կրթական եւ մշակութային հաստատություններ: Տեղեկանք. Կալիֆորնիայում է բնակվում ԱՄՆ-ի ամենամեծ եւ ամենաազդեցիկ հայ համայնքը: Հիմնականում նրանք Հայոց ցեղասպանությունը վերապրած մարդկանց ժառանգներն են: Կալիֆորնիայի յուրաքանչյուր նահանգապետ արդեն շուրջ 20 տարի է ապրիլի 24-ը հայտարարում է Հայոց ցեղասպանության զոհերի հիշատակի օր: Այսօրվա դրությամբ Կալիֆորնիայում է լույս տեսնում ամենահեղինակավոր անգլալեզու հայկական The California Courrier թերթը, «Մասիս» թերթը, գործում են կիրակնօրյա դպրոցներ եւ եկեղեցիներ: Լոս Անջելեսում է գտնվում ՀՀ գլխավոր հյուպատոսությունը: Կալիֆորնիայում է ծնվել եւ ստեղծագործել հռչակավոր ամերիկացի գրող Ուիլյամ Սարոյանը, մեծ կինոռեժիսոր Ռուբեն Մամուլյանը: Նահանգի ներկայիս նահանգապետ Առնոլդ Շվարցենեգերը 2007 թվականի նոյեմբերին վերընտրվել է երկրորդ անգամ ձայների ճնշող մեծամասնությամբ: Նահանգից ընտրված կոնգրեսականներ են ԱՄՆ Ներկայացուցիչների պալատում Հայաստանի աջակցման խմբի համանախագահ Ադամ Շիֆը եւ Պալատի խոսնակ Նենսի Փելոսին, որոնք ԱՄՆ Կոնգրեսում Հայոց ցեղասպանությունը ճանաչող 106-րդ բանաձեւի ընդունման ակտիվ կողմնակիցներ են: