«Ժառանգություն» ընդդիմադիր կուսակցության առաջնորդ Րաֆֆի Հովհաննիսյանի խոսքով, կուսակցությունը ծրագրում է գալիք խորհրդարանական ընտրություններում ստանալ քվեների 25 տոկոսը:
Հովհաննիսյանը հիշեցրել է կուսակցության արդյունքները նախորդ խորհրդարանական ընտրությունների ժամանակ, մասնավորապես` Երևանում: Նա ասել է, որ ներկայումս իրենք «պատրաստ են լինել առաջնորդների թվում` հաշվի առնելով ընտրություններին մասնակցելու փորձը»:
Րաֆֆի Հովհաննիսյանն ընդգծել է, որ «Ժառանգության» ցուցակը քաղաքական այլընտրանք է, որի համար առաջնային են քաղաքացու շահերն ու Հայաստանի ինքնիշխանությունը. «Ոչ ոք ցուցակը չպետք է գնահատի ըստ առանձին համարների կամ առաջին տասնյակի, պետք է այն ամբողջապես գնահատել»: