Ընդդիմադիր «Ժառանգություն» կուսակցության առաջնորդ Րաֆֆի Հովհաննիսյանն առաջարկել է ընդդիմադիր ուժերին հանդիպել ու քննարկել համագործակցությունն ընտրություններում: Ըստ նրա, անհրաժեշտ է, որ յուրաքանչյուր մեծամասնական ընտրատարածքում առաջադրվի մեկական թեկնածու ընդդիմությունից, չփոշիացնելու համար ընդդիմադիր ուժերը:

Նա նաև մեկնաբանել է իր առաջադրումը յոթերորդ ընտրատարածքում, որտեղ նա մրցակցելու է հայտնի օլիգարխ Սամվել Ալեքսանյանի ու մեկ այլ ընդդիմադիր գործիչ Նիկոլ Փաշինյանի հետ:

Ըստ նրա, նա չգիտեր, որ այնտեղ Փաշինյանն է առաջադրվում և իր թեկնածությունն առաջադրեց Սամվել Ալեքսանյանին այլընտրանք լինելու համար: Հովհաննիսյանը հավելել է նաև, որ ընդդիմադիր ուժերի միջև պայմանավորվածության ձեռք բերման դեպքում նա պատրաստ է հանել իր թեկնածությունը: