Հայաստանի կոմունիստական կուսակցությունը մայիսի 6-ին կայանալիք ԱԺ ընտրություններում մտադիր է ստանալ քվեների 15-17 տոկոսը, Երևանում լրագրողներին է հայտարարել կուսակցության առաջին քարտուղար Ռուբեն Թովմասյանը: Ըստ նրա, երկրի 45 շրջաններում Կոմկուսն իր կառույցներն ունի, որոնք «մարտական պատրաստվածության են բերված» և պատրաստ են մասնակցել նախընտրական արշավին:
Ռուբեն Թովմասյանը հիշեցրել է լրագրողներին Խորհրդային Հայաստանում կուսակցության հաջողությունների մասին, մասնավորապես, այն տարիներին սոցիալական պաշտպանվածության մասին՝ հավելելով, որ առաջիկա ընտրություններում կուսակցությունը հանդես կգա «Կոմունիստների հաղթանակը Հայաստանի հաղթանակն է» կարգախոսով:
Իր հերթին Հայաստանի Պրոգրեսիվ կոմունիստական կուսակցության առաջնորդ Վազգեն Սաֆարյանը նշել է, որ վերջին 13 տարում առաջին անգամ Հայաստանի կումունիստական ուժերը մասնակցում են ընտրություններին միասնական ճակատով:
