Մայիս 6-ին կայանալիք խորհրդարանական ընտրություններում հաղթելու դեպքում ՀՅ Դաշնակցությունը մտադիր է փոխել օրենսդրությունը, որպեսզի արտերկրում բնակվող Հայաստանի քաղաքացիները կարողանան մասնակցել ընտրություններին:
Ըստ ՀՅԴ խորհրդարանական խմբակցության ղեկավար Վահան Հովհաննիսյանի, խոսքն ավանդական Սփյուռքի մասին չէ, «որի, 90 տոկոսը կքվեարկեր ՀՅԴ օգտին, այլ ժամանակավորապես արտերկրում բնակվող ՀՀ քաղաքացիների»:
Ըստ նրա, թույլ չտալով արտերկրում բնակվող ՀՀ քաղաքացիներին մասնակցել ընտրություններին, իշխանությունները ցանկանում են ավելի դյուրին դարձնել իշխանության վերարտադրությունը, «նպատակ ունենալով թույլ չտալ ժողովրդին տնօրինել սեփական ապագան»: